Geassebargu nuoraide

Jos liikot servvoštallat boarrásiiguin, de lea dá dutnje bargu. Mii ohcat hutkkálaš, ovddasvásttolaš ja áŋgiris nuora, guhte lea deavdán 16 jagi ja guhte háliida váikkuhit dasa, ahte boarrásiin lea eanet aktiiva árgabeaivi.

Áigodagas 04.07 – 12.08 lea mis rabas guokte virggi nuoraide/nuorra rávisolbmuide. Áigodaga lea vejolaš juohkit guovtte sadjái. Ohcanáigemearri: Geassemánu 29.b. 2022

Bargosadji lea fuolahusvisttiin ja buhcciidossodagas.
Bargoáigi lea 4 tiimma beaivái (10:00-14:00)

Barggut:

  • Vázzit mátkkážiid
  • Speallat spealuid
  • Bassit váffelgáhkuid ja guossohit káfe
  • Eará doaimmat, mat leat mielde dagaheamen árgabeaivvi eanet árvvolažžan

Gelbbolašvuohta:

  • Ovddasvásttolaš
  • Liiko servvoštallat boarrásiiguin
  • Sosiála
  • Sámegielhálli
  • Hutkái

Jos leat gažaldagat, de váldde oktavuođa fuolahusvisttiid ovttadatjođiheddjiin Ellen Kalstadain:
Telefovdna: 92 01 72 93
e-poasta: ellen.kalstad@karasjok.kommune.no

Bálká tariffa vuođul.
Ohcan sáddejuvvo e-poastta bokte ovttadatjođiheaddji Ellen Kalstadii
Ohcanáigemearri: Geassemánu 29.b. 2022.