Čálgoteknologiija

Čálgoteknologiijain oaivvilduvvo vuosttažettiin teknologalaš veahkki mii addá eanet oadjebasvuođa, sihkkarvuođa, servvoštallama, johtaleami ja fysalaš ja kultuvrralaš doaimmaid, ja nanne ovttaskas olbmo dáidduid ieš birget árgabeaivvis vaikko lea dávda ja sosiála, psyhkalaš dahje fysalaš hedjonan doaibmanávccat.

Čálgoteknologiija geavaheapmi lea dehálaš oassi boahtteáiggi dearvvašvuođas ja fuolahusas.

Čálgoteknologiija-doahpagii gullet máŋggat teknihkalaš installašuvnnat ja čovdosat mat addet oadjebasat ja buoret dearvvašvuođabálvalusa. Čálgoteknologiija geavaheami ulbmil lea ahte don (geavaheaddji/pasieanta) galget buorebut birget ieš – doppe gos don leat.

Čálgoteknologiija sáhttá addit olu ođđa aktivitehta- ja searvanvejolašvuođaid. Dat sáhttá addit olbmuide eanet vejolašvuođa

Kárášjoga gielddas mii háliidat vuoruhit čálgoteknologiija. Dasa leat máŋga buori siva: Mii háliidat ahte min bálvalusat galget addit oadjebasat árgabeaivvi dutnje ja du oapmahaččaide, ahte don galggat oažžut stuorát friddjavuođa, ja ahte du olmmošárvu fuolahuvvo buoremus lági mielde. Eanet deatta min resurssaide dagaha maiddái ahte mii fertet gávdnat beaktilat vugiid čoavdit iežamet bargguid boahtteáiggis.

Čálgoteknologiijačovdosat mat leat váldon atnui:

  • Elektrovnnalaš uksalohkka ja/dahje čoavddabovssat
  • Dorvoalárbma
    • Uksaalárbma
    • GPS
    • Suovvanjurggon
  • Elektrovnnalaš dálkkasdoserenlihtti (geahččalanprošeakta)