Buot dearvvasvuođa- ja fuolahusbálvalus dárbbašeaddjit sáhttet váldit oktavuođa juohkinkontuvrrain. Buot juohkinkontuvrra lahtut máhttet vástidit ássiid ja ovttasbargoguimmiid gulaskuddamiidda seamma muddui go juohkinkontuvrra jođiheaddji.
Juohkinkontuvra doaimmaha gieldda dearvvasvuođa- ja fuolahusbálvalusaid vuoigatvuođahálddašeaddji rolla.
Kárášjoga gieldda juohkinkontuvra šaddá
- oktasaš uksa gieldda dearvvasvuođa- ja fuolahusbálvalusaide
- váfistit gielddalaš dearvvasvuođa- ja fuolahusdárbbuide fágaidgaskasaš ja oktagaslaš árvvoštallama
- veahkki addit ollislaš ja vuordevaš dearvvasvuođa- ja fuolahusbálvalusaid
- bajit ovddasvásttolažžan oktagaslaš plána- ja heiveheaddjin
- bissovaš oktavuođagaskaoapmin spesialistabálvalusa ja gieldda fágaidgaskasaš ovttasbarggu gaskkas
Dat mearkkaša ahte juohkinkontuvra lea
Juohkinkontuvra gártá leat oktasaš uksa dearvvasvuođa- ja fuolahusbálvalusaide Kárášjoga gielddas. Kárášjoga gielda lea unna gielddaš, ja lea válljen oktiiordnet sisaváldinjoavkku ja heiveheaddji ovttadaga oktasaš čoahkkinhámádat – juohkinkontuvra.
Juohkinkontuvra atná fuomášumi geavaheaddji báhcán návccaide, ja juohká bálvalusaid vai geavaheaddji livčče searabun geavahit návccaidis ollislaččat ja nu váikkuhivčče alcces doalahit iehčanasvuođa ja doaibmadási nu guhkkágo vejolaš.
Ovttadatjođiheddjiin lea gielddadirektevrra joatkkafápmudus ja loahpalaš mearridanváldi ovttadagainis meannudit áššiid mat gustojit sajiid ja bálvalusaid juohkimiidda. Ovttadatjođiheaddjit leat ovddasvásttolaččat meannudit áššiid juohkinkontuvrras ja maiddái juohkit bálvalusaid lágaid ja gustojeaddji dássoláhkaásahussii sajáiduhttojuvvon bealuštahttivuođagáibádusaid olis. Buot bálvalusaid hárrái dahkkojuvvo oktagaslaš mearrádus lágaid olis. Bálvalusat meroštallojuvvo oktagaslaččat.
Juohkin kontuvra vástidivčče
- Gažaldagat ja láidestusat gielddalaš dearvvasvuođa- ja fuolahusbálvalusaid hárrái
- Ohcamat
- Váidagat
- Veajuidahttingažaldagat
Gielddalaš bálvalusat maid juohkinkontuvra meannuda.
- Guhkesáiggesajit
- Oanehisáiggesajit
- Fuolahusásodagat
- Geavaheaddji várás persovnnalaš veahki (BPA)
- Beaiveguovddáš
- Ruoktobuohccedivššár
- Geavatlaš veahkki (ruoktoveahkki, viessohoaiddár, dorvoalárbma ja eará)
- Psyhkalaš dearvvasvuohta ja gárrenvuohta
- Oapmahašdoarjja (dudden, láidesteapmi ja fuolahusdoarjja)
- Doarjjaolmmoš
- Buresveadjinteknologiija
- Juohkebeaivválaš veajuidahttin
- Psykososiála veajuidahttin
- Heiveheaddji ja/ dahje ovttagaslaš plána
- Mielčuovvuduođaštus
- Parkerenlohpi
- Doaibmavádjigiid sáhttobálvalus (TT-koarta)
Sisaváldinjoavku
Juohkinkontuvra lea gieldda sisaváldinjoavku.
Sisaváldinjoavku lea fágaidgaskasaš seagáš ja meannudit gielddalaš bálvalusohcamiid dearvvasvuođa- ja fuolahusbálvaluslága olis. Sisaváldinjoavku lea ohcamiid čielggadan ja ságaškuššan ráđđeaddiorgána ja ovttasbargoforuma
Sisaváldinjoavku juogada ohcamiid áššemeannudeaddjái ja gohcet áššemeannudeami. Doaimmahit mearrádusaid dahkkojuvvot, ja sáddejuvvot ohccái. Sisaváldinjoavku árvvoštallá ahte galget ohcamat heiveheaddji ovttadahkii viidásat meannudeapmái.
Sisaváldinjoavkkus leat
- Jođiheaddji / ráđđeaddi dearvvasvuođa-, ja fuolahusbálvalusaid juohkinkontuvra
- Dearvvasvuođabuohccedivššáriid ovttadatjođiheaddji
- Doaibmavádjigis olbmuid bálvalusaid ovttadatjođiheaddji
- Kárášjoga buohcceossodaga ovttadatjođiheaddji
- Fuolahusvisttiid ovttadatjođiheaddji
- Dearvvasvuođaovttadaga ovttadatjođiheaddji
- Gieldda váldodoavttir
Sisaváldinjoavku juohká ásahussajiid, oanehisáigesajiid ja duddenorrumiid ja maiddái fuolahus- ja eará ásodagaid.
Heiveheaddji ovttadat
Juohkinkontuvra lea gieldda heiveheaddji ovttadat.
Heiveheaddji ovttadat bargá olbmuid ovddas geain leat seagáš dárbbut maidda dárbbašuvvo máŋga bálvalusa maid ferte heivehit. Dat gusto olbmuide geaiguin leat rumašlaš, psyhkalaš ja/ dahje sosiála doaibmaváttut.
Heiveheaddji ovttadagas leat earret eará dát doaimmat:
- Dahkat oktagaslaš plána mearrádusaid
- Oahpahit ja láidestit heiveheaddji
- Oahpahit ja láidestit doarjjaolbmuid, geavaheaddji várás persovnnalaš veahki (BPA)
- Oktagaslaš plánii vuogádatovddasvástádus
- Sihke gieldda- ja spesiáldearvvasvuođabálvalusa fálaldatbajiloaidnu ulbmiljovkui
- Doaibmat dorvofierbmin ahte váfistit dárbbašeaddji olbmuide heivehuvvon bálvalusveahki oktiiordnejuvvon ja plánejuvvon vuohkái.
Dearvvasvuođa- ja fuolahusbálvaluslágas § 7-3 čuožžu ahte gielddas galgá leat heiveheaddji ovttadat veajuidahttindoaimmaide. Ovttadagas galgá ovttagaslaš plána-, nammadan-, heiveheaddji oahpahan- ja bagadanváldoovddasvástádus §§ 7-1 ja 7-2 vuođul.
Kárášjoga gieldda váldoheiveheaddji lea dearvvasvuođa ovttadaga ovttadatjođiheaddji.
Ohcanskovvi - Dearvvasvuođa- ja fuolahusbálvalusat (DOCX, 53 kB)