Bálvalusa ulbmil

Ulbmil lea láhčit bálvalusa mii addá buoret eavttuid orrut ruovttus nu guhká go olmmoš ieš háliida, ja eastadit birrajándordivššu ja -fuolahusa dárbbu ásahusas. 

Geat sáhttet oažžut dearvvašvuođaveahki ruovttus

• Buohkain geat orrot dahje leat gielddas, lea riekti dárbbašlaš dearvvašvuođaveahkkái. Olbmot geain lea akuhtta vahát dahje dávda, olbmot geain leat kronalaš dávddat dahje hedjonan doaibmanávccat, olbmot geain leat dikšundárbbut maid ieža eai máhte. 
• Olbmot geat dárbbašit dárbbašlaš dearvvašvuođaveahki iežaset ruovttus dávdda ja/dahje doaibmahehttejumi geažil.  
• Olbmot geain oanehis dahje guhkes áigái leat hedjonan doaibmanávccat masa sivvan lea psyhkalaš váddu. 
• Olbmot geat dárbbašit veahki, doarjaga ja bagadallama persovnnalaš divššus, doarjjaságastallamis, prosedyragieđahallamis, dálkkasdoseremis, dálkkasnálu čuggemis, bearráigeahčus, čuovvoleamis ja áicamis jna.  
• Olbmot geat dárbbašit akuhtta veahki ja bearráigeahču ruovttus go geavahit dorvoalárpma 

Pasieantta medisiinnalaš dilli, dása gullá man muddui ja man dávjá olmmoš dárbbaša omd. dearvvašvuođadivššu, dat mearrida 

• guđe veahkkái pasieanttas lea vuoigatvuohta 
• mii gealbbuid olbmos, gii galgá fállat veahki, galgá leat 
• bálvalusa viidodaga 
• man guhká bálvalusa galgá fállat 

Galgá kártet geavaheaddji dárbbu IPLOS:i. IPLOS-kárten ja -árvvoštallan ruovttugalledeami maŋŋá mearrida galgá go praktihkalaš veahkki vai dearvvašvuođaveahkki ruovttus

Medisiinnalaš dieđuid fástadoaktáris galgá viežžat. 

Maid sáhtát vuordit bálvalusas

• Bálvalus galgá ovddidit geavaheaddjimielváikkuheami, ja das galgá leat eastadeaddji perspektiiva go duste ovttaskas olbmo  
• Mii geahččalat fállat jotkkolašvuođa fálaldagas  
• Mis lea jávohisvuođageasku ja leat olmmošlaččat  
• Mii juolludat bálvalusaid du individuála dárbbuid mielde. Bálvalusdárbu árvvoštallojuvvo jotkkolaččat ovttas duinna, vejolaččat veahkkeváldeguddiin ja/dahje oapmahaččaiguin 
• Don oaččut dieđu jus šihtton áigi veahkkái rievdá. 

Mii dus vurdojuvvo

• Don / du ovddasteaddji dieđiha jus bálvalusdárbu rievdá  
• Ahte don installeret dárbbašlaš medisiinnalaš teknihkalaš veahkkeneavvuid.  
• Ahte don dieđihat jus don it leat ruovttus šihtton áiggis.  

Kárášjoga gieldda bargit čuvvot Bargobiraslága bálvalusdoaimmaheamis. Dan oktavuođas mii bivdit ahte stobuin gos borgguhuvvo, biggohuvvo bures ovdal go bargit bohtet, ii ge galgga borgguhit siste go ruovttubálvalus doaimmaha iežas barggu. Dasto galget elektrihkalaš installašuvnnat, johtasat ja mašiinnat leat ortnegis. Veahkki ii galgga vásihit dárbbašmeahttun riskka go boahtá šilljui, omd. beatnagat/veaddingeatnegasvuohta. 

Bálvalussii ii gula  

• Barggut maid ieš sáhtát bargat  
• Mieđušteapmi ovdamearkka dihtii vuoktačuohppi ja juolgedivššára lusa 
• Praktihkalaš veahkki  
• Veahkkeneavvut 

Bálvalusa haddi

Bálvalus lea nuvttá