Dehálaš dieđut juddatableahtaid birra
Rádioaktiivvalaš judda sáhttá lasihit guoggomasráksáborasdávdda bahávára. Jus atomalihkohisvuohta luitteš rádioaktiivvalaš jutta, de juddatableahtat sáhttet veahkehit rupmaša cakkastit vuostáváldimis dan ávdnasa. Dat lea dehálaš atnit muittus ahte juddatableahtat suddjejit rádioaktiivvalaš jutta vuostá, muhto ii fal eará šlájat rádioaktiivvalaš suonjardeami vuostá.
Juddatableahtaid ulbmiljoavku:
- Vuollel 18 jahkásaš mánát ja nuorat.
- Áhpehis- ja njamaheaddji eatnit, go ohki ja njuoratmánát leat erenomáš hearkkit rádioaktiivvalaš juddii.
- Gaskkal 18 ja 40 jahkásaš ollesolbmot sáhttet maid nevvojuvvot borrat juddatableahtaid erenomáš dilálašvuođain.
Badjel 40 jahkásaččain lea hui unna baháváraš oažžut guoggomasráksáborasdávdda rádioaktiivvalaš juttas ja dábálaččat sii eai dárbbaš juddatableahtaid.
GOLLOSAT:
Juddatableahtat oassin gearggusvuođas
Juddatableahtat leat fidnemis reseaptta haga apotehkas ja berrešii leat oassin gearggusvuođadávviriin ruovttus. Jus Atomagearggusvuođa roassolávdegoddi ávžžuhivčče borrat juddatableahtaid, de berrejit borrat daid nu johtilit go vejolaš – ja maŋimustá njeallje tiimmu sisa go leat gártan rádioaktiivvalaš váikkuhusaid vuollái áimmu, borramuša dahje juhkamuša bokte. Dat lea buoremus vuohki suddjet guoggomasrávssá.
Plakat+atomulykke.pdf (PDF, 249 kB)