Váigadis diliin ja dorvvohis áigodagain lea dábálaš dovdat vuorrádusa, fuolahusa, oađđenváttuid, heajos jurdagiid ja garra dovduičuohcci dábistemiid. 

Soapmásat dábistit sakkabut go earát, erenomážit mánáid millii sáhttá čuohcat noađđeáiggiin. Heahtedilis sáhttet dattetge buohkat dovdat noađi mii čuohcá mielladearvvasvuhtii. Danne livčče ávkkálaš dovdat mihtilmas heahtedille- ja dorvvohisvuođadábistemiid. 

Gielda fállá dearvvasvuođa- ja doarjjabálvalusaid sidjiide geat vásihit heahtediliid. Muhto stuorát dáhpáhusain mat čuhcet viidát servodahkii vedjet návccat čuovvulit oktagaslačča vátnut.  

Danne livčče iešgearggusvuođa oasis leat jierpmálažžan ráhkkanit diehttin dihtii mo heahtedilis váldit vára sihke iežas ja nuppiid mielladearvvasvuođas.

Cavgilus mielladili áimmahuššamii heahtedilis 

Gávdnojit moanat doaimmat mat váikkuhit mielladearvvasvuođa nannemii heahtedili- ja dorvvohisáigodagaid. Muhtin ávkkálaš rávvagat:

• Áigeguovdilastte iežat eiseválddiid luohtehahtti dieđuiguin.
• Ane fuomášumi áššiide maid hálddašat, ja doaimmat konkrehta bargguid mat vedjet čohkket jurdagiid dihto áššiin dálá dilis. 
• Ane beaivválaš oađđindábiid, borramiid ja persovnnalaš buhtistandábiid. Dat lea mánáide erenomáš dehálaš. 
• Lihkat jeavddalaččat, go dat vuoimmáiduhttá sihke rupmaša ja miela.    
• Ohcal sosiálalaš oktavuođaide jus leš vejolaš. Háleš ustibiiguin, bearrašiin, gránnjáiguin dahje earáiguin – sosiála oktavuođat leat doarjjan ja vejolašvuođa juogadit vásáhusaid ja hálddašanstrategiijaid. 
• Bivdde bealji mánáid fuolastemiide, ja vástit rehálaččat ja oadjudeaddji vuohkái, amat dagahit sidjiide dárbbašmeahttumis balu.