Kárenaš Sámi Giella- ja kulturguovddáš

Kárášjoga gielda lea ásahan Kárenaš Giella- ja kulturguovddážá. Kárenaš Giella- ja kulturguovddáš galgá veahkkin seailluhit ja ovddidit sámegiela ja sámi kultuvrra sihke beaivválaš eallimis ja almmolaš oktavuođain. Guovddáža váldoulbmiljoavku lea Kárášjoga álbmot buot ahkejoavkkuin.

Doalut ja doaimmat maid Kárenaš giella- ja kulturguovddáš lágida

Čálamáhttu - Čállinhárjehallan

Searvva hárjehallat čállit davvisámegiela, ja hárjehallat čállit davvisámegiel teavsttaid!
Álggaheimmet deaivvademiid čakčamánus 2024, ja dál lea nubbi jahki.
Deaivvadeamit leat nuvttá, ja daid lágidat duorastagaid.
Doalut leat davvisámegillii. Sáhtát searvat beroškeahttá guđe agis leaččat.

Oasseváldiide leat maiddái ruovttubarggut. Hárjehallat čállit iešguđetguđelágan teavsttaid.

It dárbbaš ovdagihtii almmuhit iežat - mii sávvat deaivvadit máŋggain berošteaddji čálliiguin!
Bures boahtin! Facebook-doalut

Kárenaš Sámi Giella- ja kulturguovddáš lea vuolggahan kursafálaldaga, mii lea ovttasbargun Sámi Girječálliid Servviin (SGS) - searvi girječálliide guđet čállet sámegiel girjjálašvuođa, ja SVD Musea- ja historjáservviin, mii almmuha Kárášjoga jahkegirjji.
Gulahallanolmmoš: gudrun.eriksen.lindi@karasjok.kommune.no Tel. 41312824 / 959 35 626.

Duodjedeaivvadeapmi

Boađe duddjot lea juohke nuppi maŋŋebargga dii. 18-20.
Mii duddjot ja sámástat fárrolaga, váldde dujiidat ja duodjerustegiiddát mielde ja searvva. Mis lea goarrunmašiidna jos muhtun dárbbaša juoga goarostit.

Goas? 08.10.2024, 15.10.2024, 29.10.2024, 12.11.2024, 26.11.2024 og 10.12.2024

Gulahala sudnuin /Kontaktpersoner:
Sara.Alehtta.Guttorm.Eira@karasjok.kommune.no
gudrun.eriksen.lindi@karasjok.kommune.no

Giella- ja kulturguovddáš

Višuvdna ja ulbmilat

Sámi giella- ja kulturguovddáš váikkuha áimmahuššat ja ovddidit sámi giela ja kultuvrra beaivválaš dilis ja almmolaš oktavuođain. Guovddáža váldoulbmiljoavku lea Kárášjoga álbmot buot ahkejoavkkuin.

Guovddáža ulbmil lea áimmahuššat sámegiela ja kultuvrralaš árvvuid, dahkat sosiála dorvvolašvuođa nannemiin álbmoga gullevašvuođa lagašbirrasii ja dahkat kultuvrralaš ovdánahttinvejolašvuođaid iešlági, muhto eará kultuvrraid áktejumi, vuođul.

Vuoruhansuorgi; Fátmmastahtti gielda ja gielddaplána servodatoassi
Ná mii dáhttut	Ná mii dahkat
Mii leat Sámi servodat, gos álbmot hálddaša ja atná sámegiela buot servodatsurggiin	Mii nannet ja lasihat sámegielagii addimin buohkaide vejolašvuođa oahppat sámegiela	Sámegiel máhttolokten mii heivehuvvo mielbargiid ja ássiid dárbbuide Mielbargiid ja ássiid giellamáhtu kárten Lassi sámegiel diđolašvuohta almmolaš hálddašeamis Jahkásaš giellaseminára mas lea gielladikšun/ giellagilvin Buot gieldda bargiide oahppaprográmma mas lea ulbmil oahppat Sámi kultuvrra birra (erenomážit Kárášjoga gieldda hárrái) Šilten/ hábmen Giellabiiret mánáide, nuoraide ja bearrašiidda Mánáide, nuoraide ja bearrašiidda giellamovttiidahttin iešguđetlágan kultuvrralaš doaimmain Lágidit giellaguoddi biirii gos mánát, nuorat ja boarrásat deaivvadit gáhtten ja sirdin dihtii sániid ja doahpagiid Giellaguovddáš lea giela ja kultuvrra oahppama ja nannema čoagganansadjin báikegottiin ovttasbargguin
	Sámi giellaguovddáš galgá leat giela ovddidan ja gáhtten fápmoguovddáš
	Mii fállat gieldda álbmogii ja bargiide sámi giellaoahpa ja kulturmáhtu, beroškeahttá dásis

Galledančujuhus

Diehtogulahallan

Ruhtadeapmi

Gii lei Kárenaš?

Kárenaš lea Kárášjoga Sámi giella- ja kulturguovddáža namma, gudnin historjjálaš nissonolbmui Kárenaš.

Kárenaš-áhkku bođii dolin Ohcejogas Kárášjohkii boazoealuinis, ja gohčodii joga Kárenašjohkan. Son lei stuorra sámi noaidi ja olbmot lohke su váldán báikki suodjalusasis, hehttet vearrovuoiŋŋaid boahtimis. Kárenaš fárrii maŋŋil Guovdageidnui.

Máijá Anti Rasmus lea tevdnen Kárenačča logo.

Kárenaš-áhkku filbma

Sámi giella- ja kulturguovddáža ásahit bistevažžan

Gielddastivra mearrida ásahit Kárenaš sámi giella- ja kulturguovddáža bistevažžan Kárášjoga gildii. Gielddastivra mearrida ohcat njuolggodoarjaga Sámedikkis gokčat Kárenaš sámi giella- ja kulturguovddáža vuođđobargguid nugo doaimma, ovdánahttima ja báikkálaččat heivehuvvon doaimmaid.

Deaddil dán cealkaga ja loga gielddastivračoahkkima Čoahkkinbeavdegirji borgemánu 31. beaivvi 2023.

Dát dokumeanta válddaha mo Kárena sámi giella- ja kulturguovddáš galgá bargat: Kárenaš Sámi giella- ja kulturguovddáš_ sámeg_ (PDF, 706 kB)