Prošeavtta birra

Prošeavtta ulbmil lea álkidahttit beasatlašvuođa Nav Ávjovári sosiála bálvalusaide vai Kárášjoga gieldda nuorat ja nuorra rávisolbmot (16-30 jagi) ja mánnábearrašat oaččošedje dárbbašlaš áddehahtti bagadallama.

Prošeakta dahkkojuvvo gulahaddama vuođul ja ovttasbargguin gielddalaš bálvalusain, eaktodáhtolaš organisašuvnnaiguin ja eará báikkálaš oassádalliiguin.

Ulbmil lea gulahallamiin ja diehtojuohkimiin, sihke davvisámegillii ja dárogillii, eastadit bistevaš sosiála ja ekonomalaš váttisvuođaid.

Duogáš 

Olusat Kárášjoga ássiin dárbbašivčče Nav:a bagadallanveahki, muhto dattetge eai bivdde dan. Ollugat eai arvva, jogo digitála hástalusaid, kultuvrralaš norpmaid, giellahehttehusaid dahje váilevaš dieđuid geažil váldit oktavuođa ja ohcalit fálaldagaid.

Kárášjoga gielda lea guovttegielat gielda, gos sámegiella ja dárogiella leat ovttaárvosaččat ja diehtojuohkin addojuvvo guktuid gillii.

Ruhtadeapmi 

Tromssa ja Finnmárkku Stáhtahálddašeaddji ruhtada Ofelačča.

Prošeavtta juolludeamis Stáhtahálddašeaddji deattuha kulturmáhtu- ja áddejumi sosiála bálvalusaid ovddideami dehálašvuođa, vai Nav – kontuvra olahivčče buorebut sápmelaččaide.

Prošeavtta čađaheapmi 

Ofelaččas leat golbma prošeaktamuttu mat ovttastuvvet prošeaktaáigodagas:

• Áddejupmi: Mii guorahallat ulbmiljoavkku dárbbuid ja geahčadit ovttasbargovejolašvuođaid gielddalaš bálvalusaiguin, eaktodáhtolaš servviiguin ja eará áššáiguoski oassádalliiguin gielddas. 
• Hábmen: Mii ovddidat čoavddusevttohusaid muddu 1 gávdnosiid vuođul, ovttas áššáiguoski báikkálaš oassádalliiguin.
• Lágidit: Mii geahččaladdat ja evalueret čovdosiid, ja árvvoštallat mainna gánneha joatkit go prošeakta luohpá. 

Maŋimuš logi mánu deattuhuvvo válddolaččat 3. muddu, ja árvvoštallat čovdosiid maiguin Nav Ávjovárri ja eará Nav kantuvrrat sáhttet joatkit.

Vuoruheamit 

Ofelaš vuoruha golbma suorggi: 

• Bajásšaddan ja oahppa: Ovttasbargat skuvllaiguin ja mánáidgárddiiguin olahan dihtii ulbmiljovkui árrat dieđuiguin ja bagadallamiin.
• Ovttasdoaibman: Gulahallan ja nanosmahttit ovttasbarggu gielddalaš bálvalusaiguin, eaktodáhtolaš organisašuvnnaiguin ja eará báikkálaš oassádalliiguin.
• Gaskkusteapmi: Addit dieđuid sosiálabálvalusaid birra davvisámegillii ja dárogillii, sihke čoaggananbáikkiin ja gieldda neahttasiidduid bokte.

Doaibmabijut ja doaimmat

Nav-ofelaš lea ásahuvvon álkidahttit beasatlašvuođa sosiála bálvalusaide gulahallama, guovttegielat ja kulturheivehuvvon gaskkustemiin daid arenain gos ulbmiljoavku lea deaivamis.

Rollii gullá:

• deaivvadit ulbmiljoavkkuin sin iežaset arenain 
• álkidit beasatlašvuođa, áddehahttivuođa ja dahkat sosiála bálvalusaid eambbo áššáiguoskin 
• addit bajiloinnolaš, guovttegielat ja kulturheivehuvvon čuvgehusa 
• nannet ovttasbarggu ja čanastusa gaskkal Nav – kontuvrra ja báikkálaš oassádalliid gaskka 

Eará doaibmabijut:

• Neahttasiidu: Ođastuvvon dieđut sosiála bálvalusaid, rabasáiggiid ja diehtogulahallamiin gieldda neahttasiiddus.
• Gihpa: Ráhkaduvvon davvisámegillii čuvgehus, ráđđe- ja  bagadanbálvalusa oktan ekonomalaš ráđđeaddima birra.
• Gaskkusteapmi: Mii doallat ságastemiid ja ovdanbidjamiid sosiála bálvalusaid birra iešguđet forumiin.
• Bagadusat joatkkaskuvllain:  Rabas fálaldagat šiehtakeahttá ohppiiguin. Nav - bagadeaddji addá ekonomiija-, bušeahtta- ja CV-čállinbagadeami. Jávohisgeasku gusto.

Mii ovttasbargat maiddái soapmásiin báikkálaš oassádalliiguin, earret eará:

• Vuođđoskuvllain ja mánáidgárddiiguin 
• Kárášjoga searvegottiin 
• USHT/ Dearvvasvuođadeaivvademiin
• Bearašsuodjalankantuvrrain/ NASAK
• Dorvoohccibálvalusain  
• Prosjekt 9xUng i Karasjok
• Kapro:in