Leat go ceggen bođuvistti, viiddidan dahje eará vistti mii lea ohcangeaskkuheapme, de galggat dieđihit gildii dán skovi bokte; Ohcangeaskkuhis huksen- dahje viiddidandieđáhus.

Doaimmat mat luvvejuvvojit huksenáššemeannudeamis ovdanbohtet huksenáššeláhkaásahusa kapihtal 4 

Doaibmaspiehkastusat

Dát luvvejumit gustojit dušše ohcangeatnegasvuhtii. Dat mearkkaša du leat doaibmaovddasvástideaddjin ja fertet ain čuovvut daid njuolggadusaid mat gustojit plána- ja huksenlágas, huksenteknalaš láhkaásahusain, gielddaplánas, muddenplánas ja gielddalaš njuolggadusain. Doaibma ferte maid soahpat eará njuolggadusaiguin.  

Iskkas dán

Gieldda- dahje muddenplánas sáhttet leat sierra njuolggadusat du opmodahkii mat váikkuhit du luvvetkeahttá ohcangeskui.

Muhtin doaimmain gáibiduvvo spiehkastuslohpi plána- ja huksenlágas, njuolggadusain, láhkaásahusas dahje areálplánain. Dalle ferte leat ohcan ja ožžon sierralobi ovdal go doaimmahišgoađát ceggema.

Gaskanjuolggadusat ja huksenráját gustojit maid luvvejuvvon doaimmaide. Muitte maiddái huksengildojuvvon avádagaid mearra- ja johkagáttiin.

Viessosaji ávkkástallanmeari lea dehálaš doalahit. Olu viessosajit leat ollásit ávkkástallojuvvon ja dalle it oaččo cegget ođđa visttiid.

Doaibma- ja goaivunbargguin fertet iskat ahte leat go johtosat eatnamis ja daid gokčasiid lea gielddus lihkahaddat juđuseaiggáda dohkketkeahttá.