Plána dahkkojuvvo fáddáplánain. Kárášjoga gieldda mearriduvvon gielddaplána servodatoassi gártá bajásšaddan- ja sámegiela ovddidanplána barggu vuođđun. Plána sisttisdoallá dihto ulbmiliid ja strategiijaid mat váfistit buori ja dorvvolaš bajásšaddama mánáide ja nuoraide.

Kárášjoga gielda lea Sámi gielda. Gielddaplána servodatoassi nanosmahttá ahte:

«Gielddas lea guovddáš rolla sámegiela nanosmahttin barggus. Kárášjoga gielddas gii gullá Sámi giellahálddašanguvlui leat muhtin geatnegasvuođat Sámi lága bokte váfistit álbmogii vuoigatvuođa sámegieloahpahussii ja –geavahussii. Mii áigut čuovvut ovttagaslaččaid giellavuoigatvuođaid mat gustojit oahpahussii, giella- ja kulturheivehuvvon dearvvasvuođabálvalus vuoigatvuođaid, čuovvulit sámegielat mánáidgárdebálvalusfálaldagaid ja čalmmustahttit árbevirolaš Sámi báikenamaid.»

Kárášjogas čájehuvvo máŋggaid jagiid badjel veahkadatnjiedjan, ja dat orru joatkimin dan guvlui. Prognosat 2040 guvlui čájehit dássehisvuođa veahkadatčoahkkádusas. Boarrásat oassi álbmogis laská ja bargiidoassi geahppána sakka, ja mánáid ja nuoraid lohku njiedjá. 

Gielddalaš plánain galgá čađa gaskka leat álbmotdearvvasvuođaperspektiiva. Buorre álbmotdearvvasvuohta boahtá buori servodatovdáneamis. Álbmotdearvvasvuođabargu lea hábmet buriid bajásšaddaneavttuid mánáide ja nuoraide, eastadit buozalmasvuođa ja vahágiid, ja ovddidit servodaga gos lágiduvvo dearvvašlaš eallinvierut, dearvvasvuođasuddjen ja ovddida oktasašvuođaid, dorvvolašvuođa, searvidahttima ja oasálastima.