Bearatgoddin oaivvilduvvo náittosguoimmit, registrerejuvvon guoimmit ja ovttasássit. Ovttasássin oaivvilduvvo guokte ovttasássi náitalkeahtes olbmo guovttos geat leaba ássan ovttas unnimustá 12 mánu maŋimuš 18 mánus, dahje lea oktasaš mánná.  

Go mánná oroš bissovaččat guktuid váhnemiid luhtte, de váhnenmáksu meroštallojuvvo dan váhnema sisaboađu vuođul gii orru seamma álbmotregistrerejuvvon čujuhusas go mánná.

Go váhnemiin lea juogusfuolahus biddjojuvvo dan váhnema sisaboahtu vuođđun gosa mánás lea álbmotregistrerejuvvon čujuhus.

Kárášjoga gielda dat lea mii meannuda vuoliduvvon ja nuvttá guovddášáiggi váhnemiidmávssu ohcamiid gielddalaš- ja priváhta mánáidgárddiin.

Loga eambbo váhnenmávssus/ meroštallanortnegis dáppe

Váhnenmávssu meroštalat ieš dáppe (XLSX, 12 kB)

Heajos tinejeaddji bearrašiidda dahje bearatgottiide leat guokte mearálašvuođaortnega

Mánáidgárddiid váhnenmáksoláhkaásahusa § 3:s čuožžu ahte oktage bearatgoddi ii galgga máksit eambbo go 6 proseantta tietnasisttis mánáidgárdesadjái. Ođđajagimánu 1. beaivve 2022 rájis váhnenmáksu lei 3 050,-  mánnui ollesáiggesaji ovddas.

1. Vuoliduvvon máksu: Go bearatgottis gos mánná orru lea oppalaš jahkesisaboahtu vuollel 598 825 kruvnna (gusto 01.08.2022 rájis) de sáhttá ohcat vuoliduvvon váhnenmávssu..

2. Nuvttá guovddášáigi 2-5 jahkásaččaide: Buot vuollegis tinejeaddji bearatgottiid  2-, 3-, 4- ja 5 jahkásaččaide lea vuoigatvuohta nuvttá guovddášáigái mii lea 20 tiimmu vahkkui. Dat gusto maiddái mánáide geain lea maŋiduvvon skuvllaálgin.

Gielddas, gii lea mánáidgárdeváldi, lea ovddasvástádus dán ortnegii ja láhkaásahus rievdadusat gusket sihke gielddalaš- ja ii-gielddalaš mánáidgárddiide.

Loga eambbo váhnenmávssuin dáppe

Dan sáhttá ohcat miehtá jagi, unniduvvon váhnenmáksomearrádus/ nuvttá guovddášáigi dábálaččat gusto dan mánu rájis go ohcan lea boahtán.

Unniduvvon váhnenmáksomearrádus gusto ovtta mánáidgárdejahkái hávvái. Váhnemat fertejit jahkásaččat ohcat ortnega ja mielddustit ođđa duođaštusaid ohccojuvvon áigodahkii.

Ohcat ferte geassemánu 1. beaivvi sisa vai mearrádus gustogoađášii borgemánu rájis. (ođđa mánáidgárdejahki). Ohcamat mat sáddejuvvo maŋŋá dán áigemeari meannuduvvo oktilaččat ja mearrádusat gustogohtet 1. beaivvi rájis čuovvovaš mánus.

Duođaštusat mat mielddustit ohcama?
1. Ohcan sisttisdoallá maŋimuš jagi vearrodieđáhusa/ iešdieđáhusa.

Vearrodieđáhus sisttisdoallá vearrogeatnegahttojuvvon kapitála- persovdnasisaboađu.

Ohcci lea geatnegas almmuhit dan ohcamis, jus dat ii leš registrerejuvvon iešdieđáhusas.

Jus dus ii leat vearrodieđáhus/ iešdieđáhus, de fertet ovdanbidjat eará hápmásaš sisaboađu. Dat sáhtášii leat bálkálihppomáŋggus bargoaddis dahje NAV-mávssuin.

2. Sihke ohcci ja náittosguoimmi, ovttasássi dahje seamma čujuhusa registrerejuvvon guoimmi ovddas addojuvvo duođaštusat.

Ohcan báhcá meannutkeahttá dassážii go buot duođaštusat mielddistuvvo.

Ohcci lea geatnegas dieđihit gildii mearkkašahtti tienasrievdadusaid unniduvvon mávssu áigodagas.   

Don galggat ohcat dan gielddas gos doai mánáid orrubeahtti vaikko livčče ge mánáidgárdesadji eará gielddas.

Oza Moderasjonsordning/redusert foreldrebetaling (DOCX, 44 kB)

Loga eambbo Forskrift om foreldrebetaling i barnehager

Loga eambbo Moderasjonsordninger og foreldrebetaling