Gielda lea báikkálaš mánáidgárdeeiseváldi, man ovddasvástádussan lea fuolahit ahte -sihke gieldda ja priváhta – mánáidgárddit jođihuvvojit njuolggadusaid mielde. 

Mánáidgárdeláhka oktan gullevaš láhkaásahusaiguin lea vuođđun dasa, mo mánáidgárdeeiseváldi doaimmaha ovddasvástádusas. Eiseválderolla lea eará go mánáidgárdeeaiggát ja gielda meannuda mánáidgárddiid ovttaárvosaččat beroškeahttá eaiggátvuođas. 

Mánáidgárdeeiseválddi barggu ulbmil lea dáhkidit buot mánáide dorvvolaš, fátmmasteaddji ja ovdáneaddji mánáidgárdefálaldaga.