Mánáidgárddit ovttasbarget sisaváldimis mánáidgárdelága § 16, 17 ja 18 vuođul.
Ohcanáigemearri váldosisaváldimii lea njukčamánu 15.b.
Deaddil dás ohcat mánáidgárdesaji (dárogilii) Deaddil dás ohcat mánáidgárdesaji (sámegillii)
Váldosisaváldimis juohkit sajiid, mat guorranit borgemánu gaskamuttus/ vahkus 33.
Goas vástiduvvo ohcamii?
Jos ohcabehtet mánáidgárdesaji njukčamánu 15.b. rádjai, de mii sáddegoahtit vástádusaid cuoŋománu áigge ja sajit juhkkojuvvojit nu, ahte álggaheapmi lea borgemánu beallemuttus. Mánát ožžot sajiid kriteriaid vuođul (geahča: Ná dáhpáhuvvá váldosisaváldin).
Fuomáš! Go oažžubehtet dieđu ahte lehpet ožžon mánáidgárdesaji, lea dehálaš vástidit váldibehtetgo vuostá mánáidgárdesaji. Addit saji earáide vástidanáigemeari maŋŋá.
Ná dáhpáhuvvá váldosisaváldin
Okta čuovvovaš kriteriain ferte ollašuhttojuvvot, vai mánás lea láhkageatnegahttojuvvon riekti mánáidgárdesadjái váldosisaváldimis:
- Mánát, geain lea vuoliduvvon doaibmanákca § 18 – Vuoruhuvvojit sisaváldimis
- Mánát, geaid birra lea dahkkojuvvon mearrádus mánáidsuodjaluslága § 18 vuođul
- Mánáin, geat devdet jagi maŋimustá borgemánu loahpas dan jagi goas mánáidgárdesadji ohccojuvvo, lea riekti mánáidgárdesadjái borgemánu rájes, §16
- Mánáin, geat devdet jagi čakčamánus, golggotmánus ja skábmamánus, lea riekti mánáidgárdesadjái dan mánu rájes go devdet jagi, §16
Riekti mánáidgárdesadjái lea ollašuvvan, go vuostáválddát sadjefálaldaga.
Sisaváldinkriteriat ja guoros sajiid mearri mearridit dan, gii oažžu saji sávvojuvvon mánáidgárddis. Váldosisaváldima vuosttas sadjefálaldagat sáddejuvvojit cuoŋománu beallemuttus. Vástidanáigemearri lea sullii ovtta vahku.
100% sadji juhkkojuvvo olles ovdaskuvllaahkái ja bistá nu guhká go lea dárbu, dahje skuvlii álgima, borgemánu 1. Beaivvi rádjai.
Ohcamat maŋŋá njukčamánu 15.b. – dahje mánáidgárdejagi siste
Jos ohcabehtet maŋŋá njukčamánu 15.beaivvi, gártabehtet vuordinlistui. Jos muhtun mánáidgárddis guorrana mánáidgárdesadji mánáidgárdejagi áigge, dahkat dievasmahtti sisaváldima.
Jos leat ohcan saji jagi mielde, itge leat ožžon saji, de it dárbbaš sáddet ođđa ohcama searvat váldosisaváldimii, mii lea čuovvovaš jagi njukčamánu 15.b.