PPB

PP-bálvalus

PP-bálvalus lea sin várte geain lea vuoigatvuohta veahkkái oahppalága ja rávesolbmuid oahpahuslága vuođul, muhto sáhttá leat maid earáid várte. Eareliiggás pedagogalaš doaimmaid sáhttá álggahit mánáidgárddis, skuvllas, eará ásahusain ja ruovttus.

Barggut

PP- bálvalusa mandáhta muddejuvvo oahppalágas § 5-6 ja mánáidgárdelágas § 19 c. PP-bálvalusas leat sihke vuogádat- ja ovttaskasbarggut. Bargguid oaidnit oktavuođain lea dehálaš, ja eareliiggás dárbbašeaddji mánáid ja oahppiid dárbbut várejuvvojit ovdalgo bálvalus dahká eará bargguid ovdamearkka dihtii veahkehit skuvllabiras áššiin kapihtal 9 vuođul.    

Mat leat PP-bálvalusa barggut?

PP-bálvalus veahkeha mánáid, oahppiid, oahpaheaddjikandidáhtaid, hárjehallanbreavakandidáhtaid ja rávesolbmuid geat dárbbašit eareliiggás lágideami. Ulbmil livčče sidjiide addit fátmmasteaddji, ovttaárvosaš ja heivehuvvon pedagogalaš fálaldaga. PP-bálvalus veahkeha maiddái mánáidgárddiid ja skuvllaid lágidit eareliiggás dárbbašeaddji mánáide ja oahppiide.    

Bálvalus livčče váikkuhanoassin fágaidgaskasaš ovttasbarggus mánáid ja nuoraid várás eastadandoaimmain bajásšaddanbirrasis, ja ovttas pedagogalaš ásahusaiguin álggahit vuogádat- ja ovddidanbargguid.

PPB:ii dieđiheapmi

Skuvla ja mánáidgárddit geahččalit vuos eará doaibmabijuid ovdal go dieđihit PPB:ii, jus ii livčče áibbas čielggas ahte oahppis lea dárbu eareliiggás veahkkái. Árvvoštallan dan hárrái gullá mánáidgárdái ja skuvlii. Mánáidgárddit ja skuvllas lea geatnegasvuohta geahččalit kártet mánáide ja oahppiide lágidandoaibmabijuid. Kártenbarggut galget leat čálalačča pedagogalaš raportta bokte mat mielddustuvvo PPB dieđiheamis. Čujuhat minddar gieldda ruoktosiidui skuvlla ja mánáidgárddiid vuolde málliide «Giehtagirji eareliiggás pedagogalaš heivehuvvon veahkki mánáidgárddiin» siidu 6-9 ja «Heivehuvvon oahppaplána Kárášjoga skuvllas» siidu 7-11.

Jus gusto PP-bálvalussii máná/ oahppi eareliiggáspedagogalaš- dahje eareliiggášoahpa dárboárvvoštallamii de sádde gielda dahje fylkkagielda, ovttas váhnemiiguin/ oahppiin čujuhusa PP-bálvalussii. Váhnemat/ oahppi mieđáhus ovdanbiddjojuvvo ovdalgo gielda/ fylkkagielda sádde mieđáhusčujuhusa árvvoštallamii.

PP-bálvalus sáhttá ovttasbargat fágaidgaskasaččat báikkálaš dásis, ovdamearkka dihtii dearvvasvuođabálvalusain dahje mánáidsuodjalusbálvalusain, ja stáhtalaš dásis ovdamearkka dihtii Statpedain dahje psykiátralaš bálvalusain.

Badjel 15 jahkásaš oahppit, váhnemat, mánáidgárddit, skuvllat ja eará fágaidgaskasaš bálvalusat sáhttet váldit oktavuođa PP-bálvalusain ráđiid ja bagadusaid dihte. I følge Mánáidkonvenšuvnna artihkal 12 vuođul galgá guldalit máná dahje oahppi ovddidemiid ja oaiviliid. Dat gusto maid rávisolbmuid hárrái geat váldet oktavuođa bálvalusain.