Kárášjoga gielda geavahišgođii 2019 čavčča Multikanal – mii mielddisbuktá ahte rehkegat sáddejuvvojit eletronalaččat, ovdamearkka dihte; avtalegiro, e-faktura, e-mail, digi-post ja VIPPS bokte.
Sidjiide, geat leat hágakeahttá ovttage daid máinnašuvvon rehket vuostáváldiminvugiid, boahtá ain báberrehket poasttas.
Mii fuomášahttit ássiideamet ahte;
- Sii geat leat háhkan VIPPS: a ja lea JA; «vis regninger i VIPPS», ja maiddái JA dás; «Alltid VIPPS eFaktura», ožžot rehkegiid VIPPS:as.
Jus ehpet dáhtoš nu, de dahkket ná;
- Mana VIPPS:a profiilii (ikona vuolde olgeš bealde)
- Rehkegat ja eFaktura; ja de jáddadat «vis regninger i VIPPS» ja «Alltid Vipps eFaktura»
Dieđut eFaktura birra
Kárášjoga gieldda ekonomiijaossodahkii bohtet olu jearaldagat autogiro/ e-Faktura birra ja danne čuvgehat čuovvovaččat, ja doaivut dainna čilget didjiide árttaid.
Kárášjoga gielda dáhttu fuomášahttit ássiidis diliid mat sáhtte bohciidit maŋŋá go báŋkkut leat ásahan "Ja takk til alle" oktanaga automáhtalaš eFaktura šiehtadusain neahttabáŋkkus. Dat gusto eFaktura čálliide ja kundariidda geat leat miehtan «Ja takk til alle».
Olu báŋkkut leat ásahan automáhtalaš neahttabáŋkošiehtadusaid máksiide geat leat miehtan «Ja takk til alle». Go mávssát rehkega, sihke iežat rehkega ja eará olbmo rehkega, ja rehketmáksi lea miehtan «Ja takk til alle», de rehketmáksis genererejuvvo automáhtalaččat eFakutra dieđáhus eFaktura rehketčállái. Jus muhtun mat máksá eará olbmo rehkega, de registrerejuvvo dat eFaktura šiehtadusa eaiggádin ja dat olmmoš oažžu boahttevaš eFakturaid. Dat eFaktura šiehtadus doaibmá neahttabáŋkkus dassážii go loahpahuvvo.