AvtaleGiro lea dievasautomáhtalaš. Dat mearkkaša ahte báŋku doaimmaha máksit rehkegiid njuolgga du kontos máksináigebeaivái. Don beasat KID:as, rehketdivvagiin ja vealgebearranvárrehusain. Dutnje báhcá dievas bajiloaidnu ja vissisvuohta rehkegiiddát badjel vaikko báŋkku bokte gessojuvvo ge AvtaleGiroin, go dutnje dieđihuvvo unnimustá 7 beaivvi ovdal go gessojuvvo du kontos.
eFakturain ja AvtaleGiroin dus lea ain ollislaš bearráigeahčču rehkegiiddát badjel, ja mearridat ieš máksináigebeaivvi, ruhtameari ja guđe kontos ruđat máksojit. Dat dušše lea dat buoremus čoavddus dutnje gii it áiggošii gártat váivves máksindiliide fuomáškeahttá.
Go mávssát rehkega mis, de eanaš neahttabáŋkkut jerret ahte dáhtut go ásahit eFaktura dahje AvtaleGiro. Go giittát ja mieđat, de álggahuvvo šiehtadus, ja boahtte rehket sáddejuvvo eletronalaččat njuolgga neahttabáŋkui ja ii ge postii.
Go álggát AvtaleGiroin de berret atnit fuomášumi ahte dutnje boahtá diehtu goas šiehtadus fámuiduvvá ja máksit poasttas boahtán rehkegiid dassážii go šiehtadus doaibmagoahtá.
Jus dus ii leat neahttabáŋku, gulahatta báŋkkuinat álggahit AvtaleGiro dahje eFaktura.
eFaktura ja AvtaleGiro ovttastahttin
AvtaleGiro ja eFaktura ovttastahttimin máksojuvvojit rehkegat ain automáhtalaččat máksináigebeaivái, muhto diehtu sáddejuvvo eFakturan du neahttabáŋkui. Dutnje dieđihuvvo 7 beaivvi ovdal go submi máksojuvvo kontos.
eFaktura
Mo dagat eFaktura-šiehtadusa?
- Logge neahttabáŋkui
- Oza áššáiguoski eFaktura-šiehtadusaid Betaling ja Betalingsavtaler vuolde.
- Aktivére eFaktura-šiehtadusa.
eFakturareferánsa lea du kunddarnummar mii lea olgeš bealde bajimuččas rehketskovis. Jus dus ležžet eambbo kunddarnummarat de atno sierra šiehtadus juohke kunddarnummara várás. Jus dáhtožat, de sáddejuvvo diehtu e-poasttas dahje sms:as álo go oažžot ođđa eFaktura neahttabáŋkui. Avtalegiroreferánsa lea kidnummar maŋimuš ožžon rehkegis.
Efaktura ovdamunit
- Dutnje lea dárbbašmeahttun deattašit KID-nummara ja kontonummara.
- Dat manná johtilat, go buot lea gárvásit devdojuvvon. Dutnje lea buoret bearráigeahčču.
- Neahttabáŋkkus gártá dutnje bajiloaidnu máksojuvvon ja mávssekeahtes rehkegiid badjel. Don sáhtát áiggis áigái oaidnit rehkegiid dahje čálistahttit daid dárbbu mielde.
- Rehket ii máksojuvvo automáhtalaččat (avtalegiro). Don fertet ieš mannat neahttabáŋkui máksit, ja don sáhtát rievdadit máksináigebeaivvi ja ruhtameari.
- Go rehkegat bohtet eletronalaččat du neahttabáŋkui, de it leat sorjavaš poastakássii, ovdamearkka dihtii go leat mátkkošteamen ja go it leat ruovttus.