Covid-19 olis leat boahtán ođđa nationála njuolggadusat ja ávžžuhusat, mat gustojit njukčamánu 25.b. 2021 čuovganeami rájes. Ollislaččat daid sáhttá lohkat dás.

Lassin gusto báikkálaš láhkaásahus njukčamánu 24. B. Rájes cuoŋománu 18. B. Rádjai 2021, man lea vejolaš lohkat dás (PDF, 332 kB).

Gaskaboddosaš láhkaásahus njoammueastadandoaimmain eastadit koronanjoammumiid (covid-19) Kárášjoga gielddas lea mearriduvvon. Dat lea vuođđuduvvon njoammueastadanlágas borgemánu 5. B. 1994.

 

Kárášjoga gielda čuovvu ráđđehusa ávžžuhusaid ipmilbálvalusaid ja konfirmašuvnnaid ektui.

Vuollel 50 jahkásaččat, geat leat boahkuhuvvon AstraZenecain maŋimuš 14 beaivvi ja geat vásihit stuorát buozalmasvuođadovddu ja sáhpadasaid (liikevardimat) eanet go golbma beaivvi maŋŋá boahkuheami, váldet dákkaviđe oktavuođa doavttervávttain dahje fástadoaktáriin

Boahkuheami plánen lea hástaleaddji. Dieđut boahkuid háhkanvejolašvuođa birra bohtet oanehis áiggiin ja boahkuid mearri molsašuddá vahkus vahkkui.

Beaivejohttiin Suomas ja Ruoŧas leamaš erenomáš váttis dilli maŋŋá, go Norgga rádjá geavatlaččat giddejuvvui. Vuossárgga njukčamánu 1. Beaivvi rájes besset beaivejohttit Suomas ja Ruoŧas fas boahtit bargui Norgii čavga iskkahan- ja dárkkistanvugiin.

Kárášjoga gielda lea buorre muttus ássiideaset boahkuhemiin. Mii leat boahkuhan measta buohkaid buhcciidruovttus ja fuolahusvisttiin. Mii leat boahkuhan buorremuddui maiddái badjel 85 jahkásaččaid.

 

Davvi-Suopma lea vuossárgga, guovvamánu 8. beaivvi rájes geavvan rukses guovlun. Dat mearkkaša, ahte rádjajohttit fertejit iskkahuvvot juohke 7. beaivvi.

 

Kárášjogas leat dál álggahan koronaboahkuheami, ja dássážii gildii lea boahtán BIONTECH/PHIZER COMIRNATY boahkku.

Gearggusvuođajođihangoddi lea čoahkkinastán garrasut ráddjehusaid ektui daid 10 gielddain Østlanddas eŋgelas virusnuppástusa leavvama geažil