Gielddaplána servodatoassi 2022- 2034– gulaskuddan ja almmolaš geahčadeapmi

Kárášjoga gielddastivra mearridii čoahkkimis 18.08.22, áššis PS 22/53 bidjat Kárášjoga gieldda gielddaplána servodatoasse-evttohusa 2022 – 2034 gulaskuddamii ja almmolaš geahčadeapmái. Dat dahkkojuvvo plána- ja huksenlága § 11-14 vuođul. 

Gulaskuddanáigemearri lea 06.10.22

Gielddaplána servodatoassi lea gieldda servodaga ovdáneami guhkesáigge strategiija. Dat sisttisdoallá višuvnnaid, mihttomeriid ja strategiijaid, mo mii háliidat Kárášjoga leat boahtteáiggis. Das leat láidestusat doaimmaide fáddáplánain, vuoruhusaide doaibma- ja ekonomiijaplánas ja areálaplána hábmemii.

Plánaevttohus, mii dál lea gulaskuddamis, lea vuođđuduvvon

  • Riikkaviidosaš vuordámušaide
  • Regionála rámmaide ja eavttuide
  • Báikkálaš hástalusaide ja ovdánansojuide
  • Mielváikkuheapmái

Jos dus lea cealkámuš plánaevttohussii, de sáhtát sáddet dan čujuhussii postmottak@karasjok.kommune.no dahje Kárášjoga gielda Karasjok kommune, poastaboksa 84, 9735 Kárášjohka Karasjok, áigemeari rádjai golggotmánu 6.b. 2022.

Plánaevttohus gulaskuddamii sámegillii (PDF, 526 kB)
Plánaevttohus gulaskuddamii dárogillii (PDF, 477 kB)

Vejolaš gažaldagaide vástida:
Kristin Norbye-Bekkelund, knb@karasjok.kommune.no tel. 413 87 062