Mii ávžžuhat geavahit sihkkaris dieđáhusa, go sáddet midjiide poastta. E-poasta sáhttá leat eahpesihkkaris kanála sensitiiva dieđuide.
Sáhtát geavahit sihkkaris dieđáhusa (eDialog) jus áiggut
- Sáddet áššebáhpáriid meannudeapmái dahje journálii
- Sáddet sensitiiva poastta mas leat luhtolaš dieđut
- Sáddet áššebáhpáriid gustovaš áššái
It dárbbaš geavahit sihkkaris dieđáhusa (eDialog) jus
- Gielda lea ráhkadan sierra elektronalaš skovi dan várás. Ohcanskovit gávdnojit iešguđet bálvalusaid siidduin.
- Dus leat oppalaš gulaskuddamat dahje gažaldagat. Dalle sáhtát váldit oktavuođa telefovnna dahje e-poastta postmottak@karasjok.kommune.no bokte
Mo sáddet?
- Čále buori bajilčállaga ja čilgehusa.
- Jos dieđát Kárášjoga gieldda áššenummara, čále dan sadjái "tittel" oktan sáddejumi namain. Ovdamearka: "2025/158 - Dárkkistuvvon sihkkarvuođaplána"
- Muitte bidjat mielde gullevaš mildosiid.
- Vállje leatgo priváhtaolmmoš/ássi (riegádannummar) vai ovddastatgo fitnodaga/organisašuvnna (fitnodatnummar).
- Deaddil "sáddes skovi". Dutnje sáddejuvvo duođaštus e-postii.
Sádde reivviid ja dokumeanttaid sihkkaris kanála bokte
Mo mii vuostáiváldit du sáddejumi?
Kárášjoga gielda vuostáiváldá du sáddejumi ja sádde viidáseappot rivttes olbmui/áššemeannudeaddjái seamma beaivvi dahje maŋit beaivvi. Vástádus sáddejuvvo du elektronalaš poastaboksii. (Altinn, Digipost dahje eBoks)
Sihkkaris dieđáhusa (eDialog) sáhttá geavahit vástidit gieldda reivii
Ovdamearka: Mii sáddet dutnje reivve mas mii jearrat dus vástádusa. Don oaččut dieđu e-poastta/telefovnna bokte ja sáhtát rahpat dan iežat válljejuvvon elektrovnnalaš poastakássas (Altinn, Digipost dahje e-Boks). Reivves gávnnat liŋkka sihkkaris dieđáhussii (eDialog). "Vástit dán sáddejupmái". Čálit iežat sisa ja sádde midjiide vástádusa! Vástádus manná njuolga áššemeannudeaddjái min vuogádagas. Ná gieđahallat sihke olggosmanni poastta ja vástádusaid ollásit elektrovnnalaččat min ášše-/arkiivavuogádagas.
Mii ávžžuhit priváhta olbmuid ja ealáhusdoaimmaid geavahišgoahtit sihkkaris dieđáhusa (eDialog). Das leat máŋga ávkki
- Dat lea sihkkaris kanála sáddet midjiide poastta. Dieđut sirdojit krypterejuvvon hámis.
- Dat sihkkarastá sáddejeaddji sihkkaris identifiserema
- Mii vuostáiváldit poastta johtileappot. Áššebáhpárat sáddejuvvojit elektronalaččat njuolga min vuogádahkii. Áššemeannudeaddji oažžu poastta seamma beaivvi dahje maŋit beaivvi.