Gielddalaš plánat

Buot gielddain gáibiduvvo gielddalaš plána. Gielddaplána lea gieldda bajit dási stivrrendokumeanta mii áimmahuššá sihke gielddalaš, guvllolaš ja riikkadási ulbmiliid, beroštumiid ja bargguid. Gielddaplánas leat

  • Servodatoassi
  • Areáloassi
  • Ekonomiijaplána

Gieldda plánavuogádat leat buot gieldda plánat ja daid gaskasaš ovttasdoaibman. Gieldda bajimus stivrendokumeanta lea gielddaplána. Plána- ja huksenlága § 11-1 daddjo ahte gielddas galgá leat ollislaš gielddaplána mas lea servodatoassi oktan doaibmaplánain ja areálaosiin. Gielddaplána servodatoassi mearriduvvui gielddastivrras juovlamánus 2022. Gielddaplána areálaoassi lea maŋimus mearriduvvon jagis 2005 ja lea gárvvis revideremii.

Gielddaplána stivre buot gieldda plánema. Dat galgá čájehit guhkesáiggi ovdáneami Kárášjoga gielddas ja guoská danne buohkaide geat orrot, barget ja ellet gielddas.

Gieldda bálvalussurggiide dahje erenoamáš fáttáide ráhkaduvvojit fáddáplánat, omd. bajásšaddamii ja sámegillii. Fága- ja fáddáplánat eai leat plánat plána- ja huksenlága vuođul eaige galgga meannuduvvot lága proseassanjuolggadusaid vuođul. Gielddaoasseplánat mat ráhkaduvvojit, leat dušše gielddaplána čiekŋudeamit fáttáide (servodatsurggiide) dahje oassái gieldda areálas.

 

Gieldda plánastrategiija
Gielddaplána servodatoassi 2022-2034
Gielddaplána areáloassi
Gieldda oasseplánat
Gieldda fáddáplánat
Gieldda doaibmaplánat
Máhttovuođđu

(artikkelliste)