2025 čavčča fállat guokte kurssa mas oahpahus lea beaivit: 15 tiimma vahkus. Kursa bistá 13 vahku.
Vuollelis lea vahkkoplána-evttohus. Muhto: Oahpahustiimmaid lohku beaivái ja juohkin vahkkobeivviide/vahkuide ii leat mearriduvvon, dan sáhttá heivehit. Danne: Jos dus lea beroštupmi, muhto it dieđe riekta sáhtát go álgit, mii liikká rávvet du ohcat ohppui
Kursabáiki: Kárenaš Sámi Giella- ja kulturguovddáš. Álgin: Vuossárgga borgemánu 18. b.
Maŋimuš oahpahusbeaivi lea bearjadaga skábmamánu 14. b.
Kursa lea ovttasbargun Romssa Universitehtain - UiT.
Kárenaš Sami Giella- ja kulturguovddáš fállá oahpahusa oahpaheddjiin Kárášjogas. Mii rávvet ahte válddát eksámena. Ohcanáigi UiT ohppui: Suoidnemánu 20. b. rájes gitta borgemánu 8. beaivái, loga eanet vuollelabbos. Sáhtát oassálastit vaikke it áiggo eksámena váldit.
KURSA 1:
SAM-1031 (20 oahppočuoggá): “Sámegiella álgodásis. Álgokursa”. SAM-1031 kurssa birra, loga dás Vahkkoplána-evttohus: 10 tii. oahpahus vahkkui, 2 tii. beaivái.
EKSÁMEN:
6-tiibmosaš čálalaš ruovttueksámen gaskav. skábmamánu 19. b. ti. 9-15.
20 min. njálmmálaš eksámen Kárenaš giellaguovddážis vahkus 49, ovtta dáin beivviin: 3.-5.12.25 (lagabui dieđut bohtet).
KURSA 2:
SAM-1034 (10 oahppočuoggá): “Sámegiella álgodásis: Guldaleapmi ja njálmmálaš gulahallan”. SAM-1034 kurssa birra, loga dás Vahkkoplána-evttohus: 5 tii. oahpahus vahkkui, 1 tii. beaivái.
EKSÁMEN:
20 min. njálmmálaš eksámen Kárenaš giellaguovddážis vahkus 50, ovtta dáin beivviin: 8.-9.12.25 (lagabui dieđut bohtet).
Ieš mearridat searvvat go dušše nuppi vai guktot kursii. Sáhtát eksámena váldit jos leat UiT:ii registreren studeantan. Ozat beassat ovttaskas ohpuide UiT ohcanweb:as, deaddil dákko Das válljet ná: Enkeltemner > Enkeltemner, bachelornivå > 9199 enkeltemner ordinær og nettbasert (ikke realfag).
FUOM! Ohcanáigodat čakčabaji ovttaskas oahpuide lea suoidnemánu 20. beaivve rájes borgemánu 8. beaivve rádjai.
Mávssát lohkanbadjedivada go UiT:ii registreret studeantan. Kárenaš Giellaguovddážii it mávsse kursadivada.
VIRGELOBI BÁLKKÁIN searvat sámegielkursii:
• Gielddabargit sáhttet oažžut virgelobi bálkkáin oassálastit giellakursii, ja sin sadjásaččaid bálká mákso Sámedikki gildii juolludan guovttegielatvuođaruđain.
• Iskka dán ortnega hárrái iežat bargosajis.
• Gulahala iežat lagamuš hoavddain man láhkai ozat virgelobi bálkkáin.
Gulahallanolmmoš/ Dieđit kursii Kárenaš Giellaguovddážii: E-poasta: gudrun.eriksen.lindi@karasjok.kommune.no
Tel. 41312824.
Dieđit maŋimusat borgemánu 8. beaivve 2025. Dan beaivve lea maid áigemearri ohcat beassat Romssa universitehta studeantan, nu ahte sáhtát eksámena váldit.
Sámegielkurssa oahpaheaddji, Kárenaš Giellaguovddážis: Raisa Bær, e-poasta: raisa.baar@karasjok.kommune.no
BURES BOAHTIN OAHPPAT SÁMEGIELA!
Facebook