Dihtorvuogádat dat vuorbáda sahtedohko olbmuid sirdojuvvot eret listtas, go fástadoavtterlisttas geahpeduvvo olbmot. Dat ii leat doavttir, iige earát geat válljejit guhte olbmot sirdojuvvo ja guhtet báhcet listii. Dat lea gielddaid fástadoavtterortnetláhkaásahus §35 mii mearrida olbmuid geahpádusa listtain galgat dáhpáhuvvat sahtedohko.
Eambbo dieđut čađaheamis ovdanbohtet dán teavsttas;
Fástadoavtterortnet lea vuoigatvuođavuođđuduvvon gielddaid fástadoavtterortnetláhkaásahusas.
Gieldda fástadoavtterláhkaásahusa, kapihttal 6, fástadoaktára lista, § 35. Bajimuš meari geahpáduslista. Das čuožžu; «Listta geahpádus dáhpáhuvvá sahtedohko vuorbádeamis. Listta geahpádusas doalahuvvo bearaš mii lea registrerejuvvon seamma bearatgoddái ovtta listtas». Dearvvasvuođavuoigatvuođa válddi ahki lea 16 jagi. Listageahpedeamis badjel 16 jahkásaš mánát danne eai lohkkojuvvo bearašin.
Nubbi lađas dárkkista ahte gielda vuosttas lađđasa deavddedettiin ovddasvástádusas, ferte doaimmahit doarvái fástadoaktárii oasálastit fástadoavtterortnegii. Gielda ferte doaimmahit ortnega oppalaš doaibmanávccaid doarvái stuorisin váfistit vrd. divššohas- ja geavaheddjiid vuoigatvuođalága § 2-1c fástadoavtterortnega § 2, § 6 ja § 7. Doaibmannákca ferte earret eará leat doarvái stuorisin danne vai livčče munni lonuhit fástadoaktára. Fertejit maid leat doaibmanávccat váfistit «second opinion» vejolašvuođa.
§35 Listameari geahpádus
Goalmmát lađđasis celkojuvvo ahte listageahpádus dáhpáhuvvá sahtedohko válljema vuođul. Válljen dáhpáhuvvá Dearvvasvuođadirektoráhta, dahje Direktoráhta válljenorgána mearrádusa olis. Vuorbádeami olis fállojuvvo sadji eará fástadoaktára listii. Gielda doaimmaha ahte áššáiguoski ássit ožžot ođđa doavtterfálaldaga. Fástadoaktára lonuheapmi listta geahpádusa vuođul ii lohkkojuvvo lonuheapmin, iige vátnut vejolašvuođa lonuhit fástadoaktára vrd. fástadoavtterortnega divššohas- ja geavahanvuoigatvuođaid láhkaásahusa § 7. Vuođuštus sahtedohko válljenmearrádussii lea ahte doavttir ieš ii galgga beassat válljet guhte ássit vuorbáduvvo eret listtas.