Buohkat leat ovddasvásttolačča
Buhtes ja čorgadis lagašbiras lea guoibmái, nanne báikegotti ja dahká gieldda guoibmájin ássat ja galledit. Luondu lea dehálaš oassin oktavuođasteamet. Go mii atnit deastta ja váldit ovddasvástádusa doapparriddamet ovddas, de leat mii veahkkin áimmahuššamin guovlluid mat geavahuvvo guohtunguovlun, virolaš luondduávkkástallamii, olgostallamii, lustadoaimmaide ja luondduvásáhusaide.
Mii ávžžuhat ássiid ja gallededdjiid:
- Bálkestit ruskkaid doapparlihtiide dahje váldit daid ruoktot
- Sirret ruskkaid riekta
- Doalvut ruskkaid, maid ii sáhte bálkestit doapparlihtiide, dohkkehuvvon doapparvuostáválddáhagaide
- Čorget olgodoaimmaid ja -orustemiid maŋŋá
- Váldit ruskkaidat luonddus ruoktot
- Dieđihit stuorát nuoskkidemiid
Kárášjoga doapparvuostáválddáhaga rabasáiggiid- ja sirrendieđuid gávnnat; fimil.no. Doppe lea sierra šattogárdebázahusguođđinortnegat.
Áimmahuššot luonddusteamet
Gielda čuovvula nuoskidan dieđuid ja árvvoštallá dárbbašlaš čorgendoaibmabijuid. Gielda sáhttá lagabui dutkat lobihis doapparbálkestemiid ja gáibidit ovddasvástideaddji čorget daid.