Vuossárgga cuoŋománu 22.b. 2024 lei Ávjovári IPR:s vuođđudančoahkkin, áššelisttas lei earret eará ráđđejođiheaddji ja várrejođiheaddji válljen, ovttasbargošiehtadusa revišuvdna ja KS ja Oarje-Finnmárkku ráđi ovdanbuktin.

Ávjovári IPR lea miellahttogielddaid oktasaš ságaškuššan- ja ovttastahttinorgána, man ulbmilin lea áimmahuššat oktasaš beroštumiid ja nannet guovllu ovdáneami.

Guktuid gielddaid ovdagottit gártet Ávjovári GPR áirrasgoddin, áirrasgoddi vállje ieš jođiheaddji ja várrejođiheaddji guovtti jahkái ain hávil. Čoahkkimis vuossárgga cuoŋománu 22.b. 2024 ráđđejođiheaddjin válljejuvvui Svein Atle Somby (Kárášjoga sátnejođiheaddji), ja várrejođiheaddjin válljejuvvui Anders S. Buljo (Guovdageainnu sátnejođiheaddji).