Riskajoavkkuid boahkuheapmi influensa ja korona vuostá, ja 65 jahkásaččaid pneumokkboahkuheapmi.
Dát beaivvit leat várrejuvvon:
Vuossárgga skábmamánu 16. Beaivvi tii. 09-15.00
Maŋŋebárgga skábmamánu 17. Beaivvi tii. 09.00 - 15.00
Maŋŋebárgga skábmamánu 24. Beaivvi tii. 09.00 - 15.00
Drop-in/áiggi diŋgokeahttá.
Báiki: Kárášjoga dearvvasvuođaguovddáš, 2. Geardi.
| Boahkut | Haddi |
| Influensaboahkut | 207 |
| Koronaboahkut | 110 |
| Pneumokokkboahkut | 110 |
| Koronaboahkut (boahkuhuvvo oktanaga eará boahkuiguin) | 85 |
| Pneumokokkboahkut ( boahkuhuvvo oktanaga eará boahkuiguin) | 85 |

Jos dus ii leat vejolašvuohta boahtit dáid áiggiide, fertet diŋgot áiggi dearvvasvuođastašuvnnas tel. 78468500 bokte. Influensaboahkuid sáhttá maid oastit apotehkas ja boahkuhuvvot doppe.
Influensaboahkuid ulbmiljoavkkut
Fuolahusásodagaid ja buhcciidruovttu ássit
65 jahkásaččat ja boarrásut olbmot
Rávisolbmot ja mánát, geain leat meroštallojuvvon riskadilit ja dávddat.
Áhpeheamit, geat leat badjel 12. áhpehisvahkus ja buot riskajovkui gullevaš áhpeheamit.
Ovdaláigge riegádan gaskal 6 mánnosaš ja 5 jahkásaš mánát.
Influensaboahkut ávžžuhuvvojit maiddá sidjiide:
- Dearvvasvuođabargiide ja eará dearvvasvuođa- ja fuolahusbálvalusa bargiide, geat leat lagaš oktavuođas áššehasaiguin
- Hedjonan dávddaid vuostálastinnávccalaš olbmuid dállodoallogulahallanolbmuide
- Bargoveagaboahkuhus (oktavuođas ealli spiinniiguin, eahpiduvvon dahje duođaštuvvon influensabuohcci biebmolottiiguin)
Dás gávdnojit eanet dieđut influensaboahkuid birra: www.fhi.no
Koronaboahkuid ulbmiljoavkkut
Fuolahusásodagaid ja buhcciidruovttu ássit
- 75 jahkásaččat ja boarrásut olbmot
- Riskajovkui gullevaš 18–74 jahkásaččat
- Duođalaš vuođđodávdda buohcci 12–17 jahkásaččat
- Duođalaš vuođđodávdda buohcci ja individuála árvvoštallama vuođul 6 mánnosaččat –11 jahkásaččat
Koronaboahkut ávžžuhuvvojit maiddá sidjiide:
- Hedjonan dávddaid vuostálastinnávccalaš olbmuid dállodoallogulahallanolbmuide
-
65-74 jahkásaččat, geat gullet riskajovkui, sáhttet boahkuhuvvot rávisolbmuid boahkuhanprográmma bokte jos sii ieža dáhttot, vaikke dát joavku ii gula FHI ávžžuhemiid vuollái.
Pneumokokkboahkuid ulbmiljoavku
- Pneumokokkboahkut fállojuvvojit dán jagi (2026) jagis 1961 riegádan olbmuide – ja jagis 1960 riegadan olbmuide, geat eai ožžon dáid boahkuid diibmá.