Ohcanáigemearri lea njukčamánu 15. beaivi 2024
Deaddil dákko ohcat mánáidgárdesaji (dárogillii)
Deaddil dákko ohcat mánáidgárdesaji (sámegillii)
Goas oaččut vástádusa ohcamii?
Go ohcabehtet mánáidgárdesaji njukčamánu 15. beaivvi sisa, de mii sáddegoahtit vástádusaid cuoŋománu mielde ja sajit juhkkojuvvo álgimii borgemánu/ vahkku 33 gaskkamuttus. Mánát ožžot sajiid eavttuid vuođul (geahča: Ná dáhpáhuvvá váldosisaváldin).
FUOMÁŠ! Go oažžubehtet dieđu ahte lehpet ožžon saji, de lea dehálaš vástidit ahte váldibehtet go mánáidgárdesaji. Sadji juhkkojuvvo earáide vástidanáigemeari maŋŋá.
Ná dáhpáhuvvá váldosisaváldin
Vai mánnái lea láhkavuođđuduvvon sadji váldosisaváldimis, de ferte deavdit dáid eavttuid:
- Mánáin geain lea doaibmavádjitvuohta § 18 – «Vuoruhuvvo sisaváldimis»
- Mánát geaidda leat dahkkojuvvon mearrádusat mánáidgárdelága § 18 olis.
- Mánáide geat šaddet jahkásažžan maŋimustá borgemánu loahpas dan jagi go mánáidgárdesadji ohccojuvvo, lea vuoigatvuohta sadjái borgemánu rájis, § 16 olis.
- Mánáide geat šaddet jahkásažžan čakčamánus, golggotmánus ja skábmamánus lea vuoigatvuohta mánáidgárdesadjái dan mánus go šaddet jahkásažžan, § 16 olis.
Mánáidgárdesaji vuoigatvuohta lea ollašuvvan go don oaččut mánáidgárdesadjefálaldaga.
Sisaváldineavttut ja rabas sajit mearridit geat ožžot saji dan mánáidgárdái gosa leat sávvan.
Vuosttas juohkima sadjefálaldagat sáddejuvvo cuoŋománu gaskkamuttus. Das lea vahku vástidanáigemearri.
100% juhkkojuvvo olles ovdaskuvlaáigodahkii ja nu guhká go livčče dárbu, dahje vuođđoskuvllasirdima rádjai borgemánu 1. beaivái.
Ohcan maŋŋá njukčamánu 15. beaivvi - dahje mánáidgárdejagi mielde.
Go ohcabehtet maŋŋá njukčamánu 15. beaivvi, de gártabehtet vuordinlistii. Jus mánáidgárdejagis rahpasa mánáidgárdesadji de dahkat lassi sisaváldima.
Jus ohcet saji dan jagis, muhto it ožžon fálaldaga, de it dárbbaš ohcat ođđasit oasálastit váldosisaváldimis mii lea njukčamánu 15. beaivvi maŋit jagis.