Mii šállošat sakka dili mii lea čuohcan ja ain čuohcá dán bálvalusa geavaheddjiide.
Gielda lea bargamin dearvvasvuođastašuvnnas sajáidahttit bissovaš čovdosa gaskal 0-5 jahkásaš mánáid gohcimii. Gaskaboddasaččat lea gielddas šiehtadus Porsáŋggu dearvvasvuođadivššárbálvalusain.
Porsáŋggu dearvvasvuođadivššárstašuvnnas bohtet dearvvasvuođadivššárat Kárášjohkii 08.12.22 ja 15.12.22. Sii dahket ávžžuhuvvon konsultašuvnnaid gaskal 0-15 mánnosaš mánáid várás.
Váhnemat/ ovddasteaddjit ožžot sms:a bokte gohččuma tiibmui daid beivviid.