Kárášjoga gielddastivra lea mearridan hukset ođđa skuvlla ja ahte buot boares skuvlavisttit gaikojuvvojit. Kárášjoga skuvla lea fárren gaskaboddosaš bráhkáide Niitonjárggas. Skuvlabráhkát leat Niitohárji -valáštallanhálla bálddas.
Go mearriduvvui ahte vuođđoskuvla ferte fárret gaskaboddosaš bráhkáide, de álggahuvvui maid bargu dahkat skuvlageainnu ja skuvlašilju dorvvolažžan ohppiidasamet. Niitonjárgeidnui ja Kárášjoga skuvlla ođđa skuvlaguvlui leat biddjon ođđa galbbat.
Mii háliidat čuvget Kárášjoga álbmoga daid rievdadusain, go mii háliidat dorvvolaš skuvlageainnu ohppiidasamet.
Skuvlašilljomet lea bráhkáid ja IL Nordlys valáštallanšilju birrasis. Mii háliidat ahte min oahppit galget sáhttit stoahkat ja orodit doppe dorvvolaččat, nu ahte biillat eai vuoje skuvlašilljui. Mii vásihat ahte čuoigit guđđet biillaid skuvlašilljui bráhkáideamet gaskii ja fuolaheaddjit, geat vižžet mánáid, buktet niestepáhkaid, vuojadanbiktasiid j.s., vudjet skuvlašilljui ja gitta olgouvssa lusa. Dáhttut vel oktii muittuhit ahte fuolaheddjiide ja skuvlla gussiide lea sierra oanehisáigge bisánansadji.
Dorvvolaš skuvlageaidnu – Váibmosona ja guođđinsona
Niitonjárgeainnus lea 30 km/t leaktoráddjehus
Gaskaboddosaš skuvlageidnui lea biddjon dát doaibmabijut:
Gaskal tii. 0800- 1500 dušše sis lea lohpi vuodjit skuvllaid lusa:
· Bargit, joatkkaskuvlaoahppit, geat ieža vudjet, skuvlabusset, váhnemat, geat buktet ja vižžet mánáideaset AÁF:s, gálvobiillat, sii geain lea skuvllas čoahkkinšiehtadus ja skuvllaid guossit.
· geahča kárttas bisánansaji fuolaheddjiide, geat buktet ja vižžet mánáideaset AÁF:s ja sidjiide, geat bohtet čoahkkimii.
· Earát bisánit guođđinsonii, go buktet/vižžet ohppiid biillaiguin ja mii ávžžuhat vuodjit birra Deanugeidnui, go ii leat jorgalansadji. Kárttas oainnát gos guođđinsona lea.
Dorvvolaš skuvlageaidnu - Maid váhnemat sáhttet dahkat?
Árvvoštala vieruidat
o leago mánáid dárbu buktit/viežžat skuvlii/skuvllas?
o Sáhttetgo sii vázzit okto dahje ovttas earáiguin?
o sáhttetgo sii vázzit du bargosajis skuvlii?
o sáhttibehtetgo šiehtadit vuodjima veahkkálagaid?
Oaneheamos geaidnu ii leat álo dat dorvvoleamos. Čájet mánáide gokko lea buoremus vázzit ja sihkkelastit ja nu veahkehat buohkaide dorvvolaš ja sihkkaris skuvlageainnu.
Gielda lea buoridan ja guhkidan vázzin- ja sihkkelgeainnu skuvllaid luhtte Niitonjárggas ja bidjan stuorra jersey-geđggiid biilageainnu ja vázzingeainnu gaskii.
Eanet dieđut váibmosona birra: https://www.tryggtrafikk.no/opplaering/skole/hjertesone/