Fylkkakulturbálkkašupmi lea juhkkojuvvon 1988 rájes ja dan leat juolludan olu čeahpes dáiddáriidda ja kulturbargiide Finnmárkkus. Jagis 2020-2023 juhkkojuvvui maiddái oktasaš fylkkakulturbálkkašupmi Romssa ja Finnmárkku fylkkagielddas.

Fylkkakulturbálkkašupmi lea 30 000 kruvnna.

Buohkat geat háliidit sáhttet sáddet evttohusa, oktan vuođuštusain, gii sin mielas ánssáša oažžut fylkkakulturbálkkašumi. Fylkkakulturbálkkašumi sáhttá addit Finnmárkkus ássi ovttaskas olbmui dahje geas lea nanu čanastat Finnmárkui. Bálkkašumi sáhttet oažžut maiddái ásahusat, organisašuvnnat ja ovttastumit.

Gelbbolašvuođa váldolávdegoddi mearrida geasa geiget bálkkašumi, ja bálkkašupmi geigejuvvo fylkkadikkis juovlamánus.

Áigemearri evttohit evttohasaid lea čakčamánu 15. b. Loga eambbo ja sádde evttohusa deike: Fylkeskulturprisen - Finnmark fylkeskommune