Kursii leat 6 saji, ja dat lea intensiivva kurssa mas oahpat minstara ráhkadit, vadjat ja goarrut gávtti ja gos maid aktiivvalaččat oahpat ja anát gáktegoarruma terminologiija.  Oahpaheaddjin lea Áilen-Nigá Elle Máret, Elle Marit N. Eira, guhte lea leamaš duodjeoahpaheaddjin Guovdageainnu skuvllain ja dál oahpaha ee. gáktegoarruma kurssain. 

Gáibádussan oassálastit lea ahte hálddašat davvisámegiela ja ahte leat hárjánan goarrut goarrunmašiinnain. Vuoruhat nuoraid gitta 30 jahkái.  Jos leat sajit, de sáhttet earátge searvat kursii.  Sáddes áinnas ohcama jos háliidat oahppat goarrut gávtti! Kursa lea davvisámegillii.

Eanet dieđut kursadivvagis,  kursaáiggiin ja reaidduin ja ávdnasiin maid ieš válddát kursii leat dás:  Gáktegoarrun ja giellaoahppu

Almmut kursii ođđajagemánu 5. b. rádjai dán čujuhussii:
gudrun.eriksen.lindi@karasjok.kommune.no

Gulahallanolmmoš: Gudrun E Lindi,  Kárenaš Sámi Giella- ja kulturguovddáš, tel. 41312824