Várrejuvvon beaivvit:
VUOSSÁRGGA 14.10.24 09.00-14.00
MAŊŊEBÁRGGA 15.10.24 09.00-14.00
DUORASTAGA 24.10.24 09.00-14.00
Finadeapmi/ tiimma tiŋgokeahttá, beare boahtit dihto tiibmomuttus:
Báiki: Kárášjoga dearvvasvuođaguovddáš 2. gearddis
Haddi: Golgodávdaboahkku 200 kr.
Koronaboahkku lea nuvttá.
Jus dutnje ii heiveš boahtit dáid áigemuttuide, fertet tiŋgot tiimmu doavtterstašuvnnas tlf. 78468500
Ulbmiljoavku/ Golgodávdaboahku riskajoavkkut
• Buohkat geat leat deavdán 65 jagi
• Fuolahanviste- ja buhcciidsiiddaássit
• Áhpehis olbmot áhpehisvuođa 2. ja 3. trimesteris. Áhpehis olbmot 1. trimesteris geain leat eará lassivigit.
• Mánát ja ollesolbmot geain lea
o Diabetes šládja 1 ja 2
o Bistevaš vuoiŋŋahatvihki, váibmo – ja varrasuotnadávda, vuoivvas- dahje manimušvihki
o Bistevaš neurologalaš buohcuvuohta dahje vahát
o Heajos dávdavuostálastinnákca
o Hui duođalaš buoiddes olbmot (BMI badjel 40)
o Eará duođalaš dahje bistevaš buozalmasvuohta masa golgodávda dagahivčče duođalaš dearvvasvuođariskka doavtterárvvoštallama vuođul.
Golgodávdaboahku ávžžuhat maid:
• Dearvvašvuođabargoveaga geain lea oktavuohta divššohasaiguin
• Immunaváidudeaddji divššohasaid bearatgotti oktavuođaolbmot
• Spiidnegeahččit ja earát geain lea jeavddalaš oktavuohta ealli spiinniiguin
Lassi dieđut golgodávdaboahkus, geahča: https://www.fhi.no/va/influensavaksine/
Koronaboahku ulbmiljoavku
• Ahkejoavku boarrásat go 65 jagi ja buhcciidsiidaássit.
• Ahkejoavku 18–64 jagi geat leat riskajoavkkus.
• Ahkejoavku 12–17 jagi geain lea duođalaš vuođđodávda.
• Ahkejoavku 6 mánnosaš –11 jagi duođalaš vuođđodávddain ovttaskas árvvoštallama vuođul.
• Áhpehis olbmot áhpehisvuođa 2. ja 3. trimesteris. Áhpehis olbmuid 1. trimesteris geain leat lassidávddat mat dahket lassiriskka sáhttá maid árvvoštallat. Áhpehisolbmuid boahkuheapmi suddje maid njuoratmáná.
• Olbmot geat ásset ovttas (dahje leat vástideaddji lagaš) immunaváidudeaddji olbmuiguin.
Lassi dieđut koronaboahku birra:
https://www.fhi.no/ss/korona/koronavaksinasjonsprogrammet/koronavaksine/