Gulaskuddama duogážin leat rievdadusat mánáidgárdelágas ja ođđa láhkaásahus priváhta mánáidgárddiid ruhtadeami birra. Doarjjajagi 2027 rájes galget gielddat mearridit doarjjameriid priváhta mánáidgárddiide báikkálaš láhkaásahussan, mas ii leat váidinvuoigatvuohta, dan sadjái ahte hálddahus mearrida ovttaskasmearrádusa váidinvuoigatvuođain.
Ulbmil láhkaásahusain lea dáhkidit vuorddehahtti ruhtadeami priváhta mánáidgárddiide, našunála njuolggadusaid mielde ja prinsihpa mielde ahte gielddalaš ja priváhta mánáidgárddit meannuduvvojit ovttaárvosaččat.
Rievttálaš vuođđu
Báikkálaš láhkaásahusevttohus lea vuođđuduvvon:
• Láhka geassemánu 17. b. 2005 nr. 64 mánáidgárddiid birra (mánáidgárdeláhka) §§ 19a-19c
• Láhkaásahus priváhta mánáidgárddiid ruhtadeami birra (finánsaláhkaásahus)
Gulaskuddandokumeanttat
Báikkálaš láhkaásahusevttohus (PDF, 641 kB)
Gulaskuddannotáhta (PDF, 91 kB)
Doarjjameroštallan priváhta mánáidgárddiide 2027 (Excel) (XLSX, 399 kB)
Gulaskuddanáigemearri
Almmuhanáigemearri lea 20.08.26.
Gulaskuddanáigemearri lea 01.10.26.
Ášši ovddiduvvo politihkalaš meannudeapmái 2026 čavčča.
Láhkaásahus galgá leat mearriduvvon maŋimustá 30.11.26, ja fápmuduvvo 01.01.2027.
Cealkámušat
Gulaskuddancealkámušat sáddejuvvojit e-postii: postmottak@karasjok.kommune.no ja merkejuvvojit áššenummariin.
Mii bivdit ahte gulaskuddancealkámušain čielgasit boahtá ovdan guđe oasi láhkaásahusvuođus kommenterejuvvo.
Gulahallan
Ann Kristin Holmestrand, mánáidgárdeváldi, tel. Tlf: 920 70 508, e-poasta: ann.holmestrand@karasjok.kommune.no