Iskama birra 
Heahtedieđáhusa mobiillaide sádde politiija. Siviilasuodjalus iská seammás tyfonaid signálain “Dehálaš diehtu – Oza dieđuid”.

Dieđiheapmi iskojuvvo olles riikkas gaskavahku geassemánu 10. b. sulaid tii. 12. Dat mearkkaša ahte mobiilatelefovnnat sparaidit ja čuojahit garra jietnasignála miehtá riikka ja seammás tyfonat njurgot.  

Juogat áinnas dieđu dieđihaniskama birra iežat lagamusaide, vai eatnasat dihtet ahte lea dušše iskan.

Geat ožžot dieđáhusa? 
Iskan sáddejuvvo mobiilafierpmádaga bokte miehtá Norgga. Buot ođđasut ja ođasmahttojuvvon mobiilatelefovnnat ja rusttegat Norggas, ja main lea 4G/5G oktavuohta sáhttet vuostáváldit iskosa.  

Siiddus https://www.nodvarsel.no/hvem-kan-fa-varsler/ gávdnojit eambo dieđut rusttegiid birra, mat sáhttet vuostáváldit heahtedieđáhusa. 

Jos don it dáhto vuostáváldit iskosa, de fertet bidjat iežat telefovnna girdinmodusii dahje giddet dan buori áiggis ovdal tii. 12 ođđajagimánu 14.b. Jienaheamet, vuollegis jienat, hilgojuvvon almmuhusat, dahje sullasaččat rievdaduvvojit. 

Manin iskat? 
Heahtedieđiheapmi mobiillain iskojuvvo olles álbmogii, vai álbmot oahppá dovdat mo lea vuostáváldit heahtedieđáhusa ja vai sihkkarastit ahte vuogádat doaibmá nugo galgá.  

Duohta dilis heahtediehtu sisttisdoallá dieđuid das mii geavvá ja maid berret dahkat suodjalan dihte iežat.

Tyfovnnat iskojuvvojit gávdnan dihte teknalaš vigiid ja vai álbmot dovdá jiena ja signála. 

Signála, mii dieđáhusiskamis iskojuvvo, mearkkaša “Dehálaš diehtu – oza dieđuid” ja dasa gullet golbma njurgunráiddu minuhta gaskkain. Jos gulat dán signála, de mearkkaša dat geavatlaččat ahte fertet ohcat dieđuid. Dieđut das, mii geavvá ja mo berret doaibmat, almmuhuvvojit iešguđege mediaid bokte, omd. radio, tv, eiseválddiid neahttasiidduid ja sosiála mediaid bokte.  
Siiddus https://www.sivilforsvaret.no/ gávnnat eambo dieđuid dieđihanrusttegiid birra.