Muitaluvvo ahte «Svenskebakken», dahjege Jeagilvármáđii leamaš guhkit áiggi čierastanmiellin, muhto dan maŋimuš áigge leamaš olu fuolla johtolatsihkarvuođas doppe gos mánát čierastallet. Váttisvuođa loktejedje ovdan earret eará gielddastivralahtut maŋimuš čoahkkimis. Olu mánát čierastallet geaidnoravddas/vázzingeainnus ja lea duođalaš várra ahte sii česset geidnui, gos lea hui olu johtolat. Dat dagaha, ahte mii leat hui fuolas johtolatsihkarvuođas ja erenomážit geaidnoravddas/vázzingeainnus čierastalli mánáid dorvvolašvuođas. 

Gieldda bargu lea fuolahit johtolatsihkarvuođas, ja maŋŋá politiijaiguin gulahallama mii dáhttut ávžžuhit váhnemiid háleštit mánáideasetguin, man váralaš lea čierastallat geaidnoravddas dahje duhkoraddat lahkosis ja ahte sii fertejit gávdnat eará duhkoraddanbáikki.  

Sihke busset ja lossa vuojánat fertejit beassat luohká bajás, mat áinnas vudjet fártta dálvesiivvus. Dat improviserejuvvon galba, mas čuožžu “Barn aker – mánát čierastallet”, lea lobihis ja gielda jávkada dan, maiddá dan sivas go dat rávve čierastallat ja duhkoraddat váralaš sajis. 

GieIddastivračoahkkimis  11.12.2025 meannuduvvui ja mearriduvvui ráhkadit čierastanmielli eará sadjái. Kárášjoga gielda eaiggáda uhcán/ ii eaiggát eatnama guovllus, muhto sáhttá veahkehit gulahallat FeFoin dahje priváhta eanaeaiggádiiguin, vai dat ollašuvvá. Dán olis mii bivdit váhnemiid váldit álgaga ja gulahallat gielddain, vai mii oažžut vehá jurdagiid gos dákkár sáhtášii leat vejolaš; mii sáhttit veahkehit olu ja mii dahkat dan mielas, dasa lassin servviiguin lea vejolašvuohta ohcat gaskaomiid čierastanmielli ráhkadeapmái guovllus.   

Váldet oktavuođa: postmottak@karasjok.kommune.no dahje ovttadatjođiheddjiin Sanja Kubatain njuolga: sanja.kubat@karasjok.kommune.no dahje 40621608. Mii sávvat ahte sáddebehtet e-poastta, vai mii sáhttit bidjat daid journálii.