Ráđđeviessu

Vahkku 26 - 33 (geassemánu 22. beaivvis - borgemánu 14. beaivái) gáržžiduvvo rabasáiggit bálvaluskontuvrras ja telefonguovddážis. Dat váikkuha maiddái ráđđeviesu rabasáiggiid. 

Bálvaluskontuvrra ja telefonguovddáža rabasáiggit:
Vuossárggas - bearjadahkii tii. 09:00–14:00

Earret rabasáiggiid, de sáhtát váldit njuolga oktavuođa gieldda bargiiguin soahpat čoahkkinastimiid go lea dárbu. Bargiid oktavuođadieđuid gávnnat gieldda ruoktosiidduin: https://www.karasjok.kommune.no/finn-ansatt/

Gielddasiidduin gávnnat maid gieldda bálvalusdieđuid, áigeguovdilis áššiid ja skoviid.

Girjerájus

Girjerádjosa rabasáiggit miehtá geasi, earret vahku 33, go girjerájus lea dalle gitta.

Guovllat áinnas girjerádjosa ruoktosiiddus oaidnin dihtii rabasáiggiid ja doaluid: https://karasjok.arena.axiell.com/ 

Dearvvasvuođa- ja fuollaovttadat

Dearvvasvuođastašuvnna ja minddar gieldda dearvvasvuođa- ja fuollabálvalusain leat dábálaš rabasáiggit miehtá geasi.

Lassi dieđuid gávnnat dáppe: https://www.karasjok.kommune.no/tjenester/helse-og-omsorg/ 

Fáhkkaveahki dárbu:

• Riŋge fástadoaktárii/ gohccidoaktárii 116 117
• Heahtediliin riŋget 113

Mánáid-, nuoraid- ja bearašovttadat

Gielddalaš mánáidgárddit giddejuvvo vahku 28, 29 ja 30.

Mánáidsuodjalusas lea dábálaš doaibma miehtá geasi. 
Kárášjoga ja Guovdageainnu mánáidsuodjalusas lea oktasaš gearggusvuođagozáhus earret dábálaš kontoráiggis árgabeivviin. Mánáidsuodjalusgozáhusa fidnet ságaide tlf.: 459 16 677

Lassi dieđuid gávnnat dáppe: https://www.karasjok.kommune.no/tjenester/oppvekst/ 

NAV Ávjovárri

NAV Ávjováris leat dábálaš rabasáiggit miehtá geasi.

Diehtogulahallama ja rabasáiggiid gávnnat dáppe: https://www.karasjok.kommune.no/tjenester/helse-og-omsorg/nav-avjovarri/kontakt-og-apningstider/ 

Mii sávvat buohkaide buori geasi!

Kárášjoga gielda sávvá ássiide, gussiide ja ovttasbargoguimmiide dorvvolaš ja buori geasi. Váldde áinnas oktavuođa minguin jus dus leat gažaldagat rabasáiggiid dahje gielddalaš bálvalusaid birra.