Ohcanáigemearri lea guovvamánu 15. beaivi tiibmu 13:00. Áigodahkii masa sáhtát ohcat elrávdnjedoarjaga lea golggotmánnu, skábmamánnu ja juovlamánnu 2022. Lotteri- og stiftelsestilsynet máksá elrávdnjedoarjaga dađistaga dan rájis go rahpet ohcamiidda, vai sii geat ohcet árrat ožžot ruđaid johtilamosit.
Elrávdnjedoarjja gusto organisašuvnnaide haddeguovlluin gos leamaš mánnosaš gaskamearálaš haddi badjel 70 evrre kWt ohcanáigodagas. Vuostáváldiide gokčojuvvo 90 proseantta haddeerohusas gaskal 70 evrre kWt ja dan mánnosaš gaskamearálaš hattis. Ovdalis ohcangerddiin buhtadusmearri leamaš 80 proseantta.
Juovlamánu ovddas sáhttá maid Gaska-Norga (NO3) ja Davvi-Norga (NO4) ohcat doarjaga. Dáppe oainnát makkár guovllut fátmmastuvvo ortnegis.
Geat sáhttet ohcat?
Ohccis ferte leat organisašuvdnanummar, ja čuovvovaš organisašuvnnain lea vuoigatvuohta ohcat:
- Doaimmahagat mat leat registrerejuvvon Frivillighetsregisteris. Mii ávžžuhat organisašuvnnaid mat devdet eavttuid registrerehit.
- Doaimmahagat mat leat registreretkeahttá Frivillighetsregisteris sáhttet ohcat jus eaiggádeaddjit/ miellahtut geat leat váikkuhanmearrideaddjit ja leat registrerejuvvon Frivillighetsregisteris.
Dat gusto ovdamearkka dihtii faláštallanjoavkkuide geat leat rátkán doaimmas sierra gávpevuođđudussii mii lea registrerekeahttá Frivillighetsregisterii ja gos faláštallansearvvis lea váikkuhanmearrideapmi.
- Eará eaktodáhtolaš doaimmahagat mat leat registrerekeahttá Frivillighetsregisterii sáhtte oažžut doarjaga jus doaimmahat válddolaččat doaimmahuvvo eaktodáhtolaš bargoárjjain ja mas priváhtaolbmuin dahje gávpefitnodagat leat oaččokeahttá ovdamuniid doaimmahagas.
Eaktodáhtolaš bargoárjjain oaivvilduvvo olbmot geat barget bálkká haga dahje eará hámiin leat vuostáválddekeahttá ovdduid, sihke dál dahje boahtte áiggis. Ovdamearkka dihtii sáhttá sierra searvegotte- ja čoakkalmasviessu Norgga girku vuolde, giliviesut ja báikkálaš čoakkalmasviesut ohcat jus dat válddolaččat doaimmahuvvo eaktodáhtolaš bargoárjjain.
Loga eambbo ortneteavttuin ja ohcama birra dáppe.