Prošeavtta Boahttevaš Kárášjohka 1. ceahkki, Vuođđu, loahpahuvvo 31.12.22. Dan olis leat čađahan hálddašangeavadaga árvvoštallama ja leat geavahan veahkkin Gielddakompássa metodan ja reaidun.
Prošeavtta álggus čađaheimmet gielddakompássaárvvoštallama ja Kárášjoga gielda oaččui 212 čuoggá vejolaš 800 čuoggás.
Ulbmilin lea árvvoštallat dálá hálddašangeavadaga ja geahčadit ovdáneami 2019 gielddakompássaárvvoštallamis. Raporta čájeha maid guđe surggiin leat vejolašvuođat ain eanet buoridit hálddašangeavadaga.
Kárášjoga gielda olahii dál 374 čuoggá ja lea buoridan hálddašangeavadagas 162 čuoggáin ovddit mihtideami rájes. Kárášjohka lea ožžon olu čuoggáid almmolašvuođas, demokratiijas, stivremis ja hálddašeamis. Kvalitehtaovdánahttimis ja servodatovdánahttimis lea Kárášjoga gielda ožžon muhtun meare uhcit čuoggáid go gaskamearálaččat riikkas.
Dát čájeha ahte gielda lea rivttes bálgás šaddat ulbmillaš ja beaktilat ja ovdánahttináŋgir gielddaorganisašuvdna.
Gielddakompássaárvvoštallama 2022 gávnnat dás (PDF, 2 MB)