Oza kultur- ja valáštallanstipeandda 2026

Leatgo mielde kultuvrras dahje valáštallamis ja háliidat ovdánit iežat suorggis? Kárášjoga gielda bovde guoskevaš ohcciid ohcat kultur- ja/dahje valáštallanstipeandda. 

Kulturstipeanda

Kulturstipeanda galgá veahkkin doarjut olbmuid, geat háliidit čađahit erenomáš kulturbargguid, dahje ovddidit iežas dáiddalaš dahje eará árjjalaš kulturražasteami. 

Stipeandda sáhttá geavahit bargostipeandan dahje mátkestipeandan. Ohccit fertejit ássat dahje bargat Kárášjoga gielddas. 

Ohcamis galgá leat mielde geavahanplána, gollomeroštus ja dieđut vejolaš eará doarjagiin.

Valáštallanstipeanda

Valáštallanstipeanda galgá movttiidahttit valáštalliid olahit buriid bohtosiid ja veahkehit ovdánit iežas valáštallansuorggis. 

Stipeandda sáhttet ohcat valáštallit ja joavkkut, mat devdet gieldda eavttuid. Ovttaskas valáštalliide guoská earret eará gáibádus duođaštuvvon bohtosiin, ovdánanvejolašvuođain ja hárjehallanplánain. Valáštalli galgá ovddastit Finnmárkku valáštallanbiirii dahje Sámi valáštallanlihttui gullevaš valáštallanjoavkku ja ássat Kárášjoga gielddas. 

Stipeandda sáhttá geavahit gokčat hárjehallama ja gilvvohallama dagahan liigegoluid ražadettiin alit dássái valáštallamis.   

Ohcanáigemearri lea juovlamánu 1. beaivi 2026 

Stipeanddat meannuduvvojit bajásšaddan-, oahppa-, giella- ja kulturváldolávdegottis ja geigejuvvojit sámi álbmotbeaivvi, guovvamánu 6. beaivvi ávvudeami oktavuođas. 

Ohcanskovit ja njuolggadusat:

Kulturstipeandda juohkin njuolggadusat
Ohcanskovvi Kulturstipeanda 2024 - ohcanáigemearri: juovlamánnu 1. b. 2024
Kulturstipeandda vuostáváldit

 

Falástallanstipendda juohkinnjuolggadusat
Ohcanskovvi falástallanstipeanda 2024 - ohcanáigemearri: juovlamánu 1 b. 2024
Falástallanstipeandda vuostáváldit