Gieldda čáhcevuorkká iskosiin lea gávdnon E. Coli bakteriija. Mii bivdit mii buot bearatgottiid geat ožžot čázi gieldda čáhcedoaimmahagas vuoššat alcceset juhkančázi.
Dat mearkkaša čázi maid áiggot juhkat, ráhkadit borramuša, giellat bániid dahje galmmihit jiekŋabihtážiidda, fertet vuoššat ovdal anu. Čázi berret duolddahit uhcimustá minuvtta.
Gielda lea dál kártemin nuoskkideami siva ja lea álggahan dárbbašlaš doaibmabijuid váfistit čáhcedásu. Mii váldit dađistaga čáhceiskosiid, ja mii čuovvut dili ovttas áššáiguoskevaš fágaeiseválddiiguin.
Gielda čuvge ássiid dađistaga gieldda neahttasiidu bokte, sosiála mediain ja eará áššáiguoski diehtojuohkinkanálain. Vuoššanávžžuhus gusto dassážii go gielda addá heaittihandieđu.
Neavvagat ássiide:
- Vuošša juhkančázi
- Vuošša čázi maid anát borramušráhkadeapmái ja juhkamušaide.
- Vuošša bátnegiellančázi.
- Rišuhan- ja giehtabassančázi sáhtát atnit nugo dábálaččat, muhto vealtta njiellamis čázi.
- Ane erenomáš várrugasvuođa jus dus leat smávvamánát, leat boarrásat, dahje leat hearkkes dávdavuosttildannávccalaš.
Jus leat ássit geain leat dakkáraš dávdamearkkat go luhčadávda, čoavjebonjahat, váimmu gákkaheapmi dahje vuovssihahttá, ja erenomážit jus dávdamearkkat leat garrasat dahje bistevačča, de neavvut váldit fástadoaktáriin dahje doavtterfávttain oktavuođa geahčahit. Mánát, boarrásat dahje hearkkes dávdavuosttildannávccalaš olbmot fertejit leat liige várrugasat dávdamearkkaid hárrái.
Mii šállošat heađuštusaid maid dát mielddisbuktá ja giitit áddejumis.
Gulahallanolmmoš mediaide: Sanja Kubat, teknalašossodaga jođiheaddji, 40621608