Duorastaga golggotmánu 30. beaivvi 2025 rájis doaimmahišgoahtá Guovdageainnu suohkan doavtterfáktaguovddáža Kárášjoga gieldda várás. Rievdadus čalmmustahttá dehálaš lávkki Sis-Finnmárkku dearvvasvuođabálvalusaid sámegiela ja kulturipmárdusas. Kárášjoga ássái lea dárbbašmeahttun dahkat maidege dán áššis.
Dat mearkkaša ahte Kárášjoga ássiide vástida bargi Guovdageainnus go sii riŋgejit 116 117. Sii besset háleštit gelbbolašvuođat buohccedivššáriiguin geat lea oahppásat guvlui ja hállet sámegiela. Dassážii go sii doaimmahišgohtet, de lea ain Girkonjárgga doavtterfáktaguovddáš mii vástida go riŋget 116117
– Mii diehtit man sakka giella mearkkaša go olbmot leat heađástuvvan dahje buohcamin. Sámegillii beassat čilget diliset dahká dorvvu ja buoret gulahallama, muitala Kárášjoga gieldda dearvvasvuođa ja fuolahusa ovttadatjođiheaddji Berit Regine Laiti.
Sihke Kárášjoga gielda ja Guovdageainnu suohkanis oaivvildit ahte ovttasbargguin sáhttá buorebut čuovvut ássiid ja heivehit fálaldagaid. Dá lea ovdamearka gielddaidgaskasaš ovttasbargu geavahuvvo háhkat ássiide buoret bálvalusaid.
Nu nanusmahttojuvvo gearggusvuohta, čuovvuleapmi ja gielalaš girjáivuohta guovllu doavtterfáktaortnegis.
Lassi dieđut:
Berit Regine Laiti
Dearvvašvuođa- ja fuolahusovttadatjođiheaddji
Enhetsleder Helse- og omsorg
berit.regine.laiti@karasjok.kommune.no
452 60 448