Cuoŋománus 2024 ásahuvvui gielddalága §18-1 olis Kárášjoga gieldda ja Guovdageainnu suohkana várás gielddaidgaskasaš politihkalaš ráđđi, Ávjovári gielddaidgaskasaš ráđđi (Ávjovári GPR). Ráđđi lea gielddaid oktasaš ságaškuššan- ja oktiiheivehanorgána man ulbmil lea fuolahit oktasaš beroštumiid ja nannet guovllu ovdánahttima. Ávjovári GPR ovttastusgoddái gullet guktuid gielddaid ovdagottit. Kárášjoga sátnejođiheaddji, Svein Atle Somby, lea válljejuvvon ráđđejođiheaddjin, ja Guovdageainnu suohkana sátnejođiheaddji, Anders S. Buljo, lea válljejuvvon várrejođiheaddjin guovtti boahttevaš jahkái.
Eli Synnøve Skum Hanssen lea virgáduvvon Ávjovári GPR:a álggahan, koordineren ja oktiiheivehan prošeaktajođiheaddjin. Son guođđá servodat ja gearggusvuođa seniorráđđeaddivirggi Norgga árktalaš universitehta hálddahusas, ja álgá guovvamánus 2025. Kontuvra gártá leat Guovdageainnus.
Sus leat vásáhusat máŋggalágan almmolaš bargguiguin gos gáibiduvvui oktiiheivehan-, koordineren- ja ovddidanovddasvástádus. Ovddežis son lea earret eará bargan Guovdageainnu suohkana suohkanhálddahusas, ja sus lea politihkalaš/ hálddahuslaš jođihanduogáš ja vuđolaš máhttu gielddalaš bálvalusain Sámi servodagas. Lassin lea sus gielddaidgaskasaš bargoduogáš iešguđetge campusas golmma davimus fylkkain dálá barggus Tromssa universitehtas.
Prošeaktajođiheaddji bargu gullá čállinlávdegotti doibmii. Son doaimmaha johtui ráđi mearrádusaid, duvdá bargoguimmiid árjjalaččat ovddos, njunušolmmožin ráđi dehálaš áššiin, bargá gulaskuddanevttohusaiguin ja lea veahkkin doaluiguin. Prošeaktajođiheaddji maid fuolaha strategalaš ja operatiivvalaš bargguid nannen dihtii gielddaidgaskasaš barggu, ovdamearkka dihtii ovddidit ovttasbargomálliid ja –arenaid. Prošeaktajođiheaddji lea gielddaidgaskasaš doaimmaid gaskaolmmoš, ja ovddasduvdi gielddaidgaskasaš ovttasbargguin. Son doaimmaha maid ovttasbarggu eará aktevrraiguin ja bargá ruhtadit áššáiguoski ovddidanprošeavttaid.
Su viidát bargguiguin almmolaš suorggis servodatdorvvolašvuođa- ja báikegottiin son nanosmahttá Ávjovári ja Finnmárkku..