Kárenaš Sámi giella- ja kulturguovddáš fállá 56-tiibmosaš davvisámegiel álgokurssa. Kursa lágiduvvo ovttasbargguin UiT Norgga árktalaš universitehtain.
Dieđiheapmi: Don ozat álgit kursii ja registreret iežat Romssa universitehtii. Eanet dieđut dás vuollelis. Sáddes deikege dieđu ahte ozat kursii álgit: karenas@karasjok.kommune.no
Kursa lea beaiveguovdil bearjadagaid, 3 tiimma vahkkui ja bistá 19 vahku.
Davvisámegiela álgodásis leat golbma modula, juohkehaččas 10 oahppočuoggá. Fállat daid maŋŋálagaid ná: Álggahuvvo Modul 1:in 2026 ođđajagis, joatkašuvvá Modul 2:in 2026 čavčča ja loahpahuvvo Modul 3:in 2027 giđa.
SAM-1040 -kursii eai leat makkárge ovdamáhttogáibádusat.
Eanet dieđut dás Álkes njálmmálaš ja čálalaš gulahallan deattuhuvvo kurssas; guldalit, áddet, hállat, lohkat ja čállit.
Eksámen: SAM-1040-kurssas lea njálmmálaš eksámen, mii vahkus 24 giellaguovddážis. Áigemearri dieđihit eksámenii: Guovvamánu 1. b. 2026.
Gáibádus: Eaktun beassat eksámena váldit: 75 % oassálastin oahpahussii ja golbma báikkolaš barggu dohkkehuvvon.
Ohcan: Jos háliidat váldit eksámena ja oažžut oahppočuoggáid (10 oč.), de fertet leat registrerejuvvon UiT studeantan.
Don ozat elektrovnnalaččat Søknadsweb bokte (báikkálaš sisaváldin). Duođaš báŋko-ID:in ja deaddil: Eaŋkiloahppu > Eaŋkiloahppu, bachelordássi > 9199 eaŋkiloahppu (ii realfága). Deaddil dása
Universitehta ohcanportála lea rabas gitta ođđajahkái: 1.11.2025-6.1.2026.
Divat: Lohkanbadjái álggedettiin fertet máksit lohkanbadjedivada (625 ru.) ja dieđihat iežat oahpa- ja eksámenskovvái SAM-1040 Sámegiella amasgiellan: Álgokursa 1. FUOM! Kárenaš Giellaguovddážii it mávsse kursadivaga.
VIRGELOHPI BÁLKKÁIN: Kárášjoga gieldda bargit sáhttet oažžut virgelobi bálkkáin go oassálastet sámegielkursii - sadjásaččaid bálká mákso guovttegielatvuođadoarjagiin maid Sámediggi juolluda gielddaide. Gulahala dán birra iežas lagamuš jođiheddjiin.
Gulahallanolmmoš: Giellaoahpaheaddji Raisa Bær E-poasta: raisa.baar@karasjok.kommune.no Tel. (+47) 411 97528