FUOM! Rievdaduvvon álginbeaivi, álgin lea lávvardaga borgemánu 15.b. Kursa lea maŋŋebárgga ja duorastaga, eahkedis ti.18-20. Bures boahtin searvat davvisámegiela ohppui!
Kárenaš Sámi Giella- ja kulturguovddáš fállá 2026 čavčča SAM-1061 kurssa Modul 2 – 10 oč – Davvisámegiella álgodásis – ovttasbargguin UiT Norgga árktalaš universitehtain, Romssas.
Kursa lea davvisámegiela álgooahpu nubbi modula. Kurssas deattuhuvvo álkes njálmmálaš ja čálalaš gulahallan davvisámegillii. Don oahpat muitalit, jearrat ja vástidit sámegillii geavatlaš hárjehusaid ja beaiválaš sániid bokte.
Ovdamáhtu gáibádusat:
Ollašuhttán álgodási davvisámegieloahpu: Modul 1 dahje vástideaddji máhtu, nu go SAM-1034. Jos máhtát veháš sámegiela, muhto it leat kurssa vázzán, de ávžžuhat váldit oktavuođa. Loga eanet Modul 2 birra Davvisámegiella álgodásis. Modul 2:s leat máŋga koda ja fáddáčilgehus. Mii atnit SAM-1061 kodan, ja mis lea eksámen lohkanbaji loahpageahčen.
Ohcanáigemearri lea borgemánu 9. beaivve: Vai sáhtát eksámenii dieđihit ja joksat oahppočuoggáid, de fertet ohcat beassat ovttaskas fáddá studeantan UiT Norgga árktalaš universitehtii Romsii.
Ohcanportála (deaddil liŋkka) lea rabas áigodagas 20.07.-09.08.2026.
Sáddes maid šleađgapoastta (e-mail) deike, mas dieđihat iežat ohppui: karenas9730@karasjok.kommune.no
Eksámen: Eksámena oktavuođas gáibiduvvo unnimusat 75 % searvan oahpahussii ja golbma dohkkehuvvon barggu, Don dieđihat iežat eksámenii čakčamánu 1. beaivve rádjai 2026.
Eanet dieđut dás
Virgelohpi bálkkáin: Gieldda bargit sáhttet oažžut virgelobi bálkk10áin oasálastit sámegiel kursii - sadjásaččaid goluid gokčá gielda guovttegielatvuođaruđaid bokte maid Sámediggi juolluda. Gulahala iežat jođiheddjiin.
Álgin: Lávvardaga borgemánu 15. b. 2026 ti. 12-17.
Báiki: Kárenaš Sámi Giella- ja kulturguovddáš, Fitnodatgeaidnu 39, nuppi gearddis (Guovddášdállu).
Oahpahus: Maŋŋebárggaid ja duorastagaid ti. 18-20.
Gulahallanolmmoš: Giellaoahpaheaddji Raisa Bær raisa.baar@karasjok.kommune.no Tlf. (+47) 411 97 528