Julius-Ándde Sire Rávdná lea riegádan 1947:s ja bajásšaddan Vuolit-Mollešjogas. Son lea doppe ássan ja ain ássá, muhto ássá maid dán áigge Kárášjoga márkanis. Son lei sávzadoalli geainnohis duottarbáikkis. Son válddii badjelasas ruovttu iežas vánhemiid maŋis. Easka 1992:s biddjui dállui elrávdnji.

Vieljainis Ándde Ovlláin (1940-2025) ja iežas guvttiin nieiddain lea Sire Rávdná birgen duoddaris smávvadálolažžan - gos jagi áiggiin leat iežaset barggut; nu go  muorječoaggin, suoidnečuohppan, guollebivdu ja murren. Earret eará. Son maid gesiid  sirddii sávzačorraga geasseorohahkii Porsáŋgui. Son heittii sávzadoaluin 2020:s. 

Biret Elle Láilá lea riegádan 1942:s, son lea bajásšaddan ja ássá Bieskenjárggas. Su eadni Biret Elle (1916-1992) bázii leaskan 1946:s golmmain mánáin, nuoramus dušše jahkásaš. Láilá lei 4- jahkásaš. Bieskenjárggas sis ledje logenár sávzza, gusat ja gálbbit,  ja Biret Elle hágai maid heastta, sáhtostit olbmuid ja geasehit gálvvuid. Beskenjárggas leat ain sávzzat. Dál ii leat seammalágan sávzzadoallu go ovdal.

Biret Elle Láila lea oahppan ovdaskuvlaoahpaheaddjin, spesialpedagogan ja bearašterapevtan. Son lea bargan ee.  mánáidgárdekonsuleantan, sámi mánáidáittardeaddjin ja virggis Sis-Finnmárkku Bearašsuodjalankantuvrras. Son lea politihkas áŋggirdan nuorravuođa rájes, ja ain dahká dan, maŋimuš jagiid lea leamaš boarrásiidráđiin sihke fylkkagielddas ja Sámedikkis. Son lea erenoamážit bargan ovddidit sámi mánáid, nissoniid ja vuorasolbmuid vuoigatvuođaid, ja sámepolitihkalaš vuoigatvuođaid. Ieš son lea máŋggabealát sámi árbeguoddi, ee. luohtečeahppin.

Káffádat liegga borramušain. Čájáhusat.  TULKON: Doaluid tulkot sámegielas dárogillii.
Lág. Kárenaš, Kárášjoga gielda -  oktan ovttasbargiiguin, Skápma Borramušfestivála oktavuođas 26.-30.11.2025.
Ruhtadan:  Sámediggi Sametinget, Kulturtanken Norgga Kulturgiisá, Samfunnsløftet Sparebank1 N-Norge
Gulahallanolmmoš: gudrun.eriksen.lindi@karasjok.kommune.no Tel. 41312824

Facebook-doaluid birra dás