Geahča filmma jus háliidat oaidnit mii mielduopmár lea.
Jos háliidat doaibmat mielduopmárin, de berret lohkat dán ja deavdit mielddustuvvon skovi:
Breva guoskevaš mielduopmáriidda (DOCX, 76 kB)
Sádde skovi e-poastta postmottak@karasjok.kommune.no dahje breva bokte:
Kárášjoga gielda
Poastaboksa 84
9735 Kárášjohka
Olbmot válljejuvvojit áigodahkii ođđajagimánu 1.b. 2025 – juovlamánu 31.b. 2028. Mielduopmárat čoahkkanit s. 1-3 ášši várás jahkásaččat.
Dus lea vuoigatvuohta buhtadeapmái, oažžut friija bargoaddis ja mátkegoluid buhtadeapmái daid beivviid ovddas, maid leat dikkis. Eanet dieđut mielduopmárrollas, buhtadusain, luvvejumiin ja earás gávdnojit neahttasiiddus: domstol.no
Mielduopmárat ovddastit gaskamearálaš ovddastumi álbmogis; dás oaivvilduvvo iešguđege agiid, sohkabeliid, ámmátduogážiid ja etnalaš ja kultuvrralaš duogážiid. Mielduopmárin válljejuvvon olbmuide sáddejuvvo čálalaš diehtu dan birra geasi 2024 áigge.
Don fertet deavdit dáid gáibádusaid, vai sáhtát doaibmat mielduopmárin:
Ahki: Don fertet lea gaskal 21 ja 70 jagiid 01.01.2025.
Ássanbáiki ja álbmotlahttuvuohta: Don fertet ássat Kárášjoga gielddas 01.01.2025, ja leat Norgga/Davviriikka álbmotlahttu, dahje maŋimuš golbma jagi leat álbmotregistaris registrerejuvvon ássin Norggas.
Dárogielmáhttu: Don fertet áddet dárogiela hállama ja teavstta ja sáhttit olggosbuktit iežat dárogillii.
Persovnnalaš heivvolašvuohta: Don fertet sáhttit čuovvut šiehtadallamiid dikkis, áddet áššiid čuolbmačilgehusaid ja cealkit oaiviliiddát.
Don fertet sáhttit čohkkát máŋggaid tiimmaid oruskeahttá.
Lágajegolašvuohta: Politiijas dahkkojuvvo meannudusárvvoštallan, itge sáhte leat almmolaš vealgešiehtadallamiin dahje konkursaerremis.
Ámmát: Jos barggat ovtta vuolábeale virggiin, de it sáhte leat mielduopmár
- Stuorradikki ovddasteaddji dahje várreovddasteaddji
- Stáhtaráđi miellahttu, stáhtačálli, stáhtačálli persovnnalaš politihkalaš ráđđeaddi, stáhtaministara kontuvrra bargi
- Fylkkamánni dahje veahkkefylkkamánni
- Nammaduvvon dahje gaskaboddosaš duopmár ja bargi duopmostuolus
- Áššáskuhtti eiseválddi, politiija, ja rihkusfuolahusa bargi, ja olmmoš, geas lea ráddjejuvvon politiijaváldi
- Justiisadepartemeantta, politiijadirektoráhta, ja duopmostuollohálddahusa ja dan stivrra bargi
- Politiijaallaskuvlla ja ráŋggáštanásahusa bargi ja studeanta
- Doaibmi advokáhtta ja advokáhttafámohas,
- Gieldda hálddahushoavda (gielddaráđi miellahttu gielddas, gos lea parlamentáralaš stivrenvuogádat) ja eará gielddalaš virgeolmmoš, gii lea njuolgga mielde válgga ráhkkaneamis dahje čađaheamis
Cavgilastte jos dovddat ovttage, gii heivešii dákkár doibmii.