Stuorradiggeválga 

Stuorradiggeválgga jienastuslohku lea biddjon almmolaš dárkkisteapmái ráđđeviesus, girjerádjosis, Coop Ekstras ja Rema 1000:s gitta válgabeaivái, čakčamánu 8. beaivái 2025.   

Olbmot, geat oaivvildit iežaset dahje earáid boastut čálihuvvon dahje leat čálitkeahttá gieldda jienastuslohkui, sáhttet gáibidit divvut boasttuvuođa.  

Čálalaš ja vuođuštuvvon boasttuvuođa divvungáibádus sáddejuvvo Kárášjoga válgastivrii, Poastaboksa 84, 9735 Kárášjohka dahje e-postii postmottak@karasjok.kommune.no

Váldonjuolggadussan leat olgoriikkas ássi jienasteaddjit čálihuvvon jienastuslohkui. Guhkit go logi jagi olgoriikkas ássan jienasteaddjit čálihuvvojit jienastuslohkui dan gielddas, gos sii maŋimusat ledje merkejuvvon ássin álbmotregistaris. Válgastivra girje badjel logi jagi olgoriikkas ássan jienasteddjiid, go gielda vuostáváldá jienasteddjiid jienaid. Dát jienasteaddjit galge ovdal ohcat čálihuvvot jienastuslihkui, muhto jagi 2025 rájes lea doarvái, ahte sii leat jienastan.

Sámediggeválga

Sámediggeválgga jienastuslohku lea biddjon almmolaš dárkkisteapmái ráđđeviesus, girjerádjosis, Coop Ekstras ja Rema 1000:s gitta válgabeaivái, čakčamánu 8. beaivái 2025.   

Jienasteaddjit sáhttet dieđihit boasttuvuođaid, maid gávdnet jienastuslogus, ja gáibidit divvut daid. Sámediggeválggas dakkár gáibádusat dahkkojuvvojit Sámediggái.

Válgajienastuslogu boasttuvuođaid lea vejolaš gáibidit divvojuvvot, gáibádus ferte leat čálalaš ja vuođuštuvvon. Geavat Sámedikki elektronalaš skovi divvungáibádusa sáddemis.