Masa sáhttá oažžut doarjaga?
Doarjaga sáhttá geavahit earret eará:
- Ráhkadit ceahkehis boađáhaga ásodahkii
- Jávkadit šielmmáid ja govddidit uksaráiggiid
- Heivehit basadanlatnjii ceahkehis riššu ja buoret saji
- Čohkket dárbbašlaš lanjaid uskkádatgeardái
- Ráhkadit ásodaga dorvvoleabbon ja álkibun lihkadit.
Gii sáhttá ohcat?
Ohcat sáhttá jos uhcimustá okta olmmoš dállodoalus lea 62 jagi dahje boarrásit, ja deavdá ortnega eará eavttuid. Ásodat sáhttá leat juogo oamastuvvon dahje láigohuvvon, muhto galgá leat birrajagi ásodat.
Láigolaččain ferte leat láigoheaddji lohpi.
Man ollu doarjaga sáhttá oažžut?
Doarjja sáhttá gokčat gitta 25 proseantta goluin.
Doarjja lea eanemusat 75 000 kr.
Doaibmabijut galget oktiibuot máksit uhcimustá 40 000 kr.
Eará doarjjavejolašvuođat
Gávdnojit maid eará ortnegat mat sáhttet leat mielde ruhtadeamen ásodaga heiveheami, earret eará gieldda álggahanloatna, gielddalaš ásodatdoarjja ja NAV Veahkkeneavvoguovddáža doarjja.
Loga eambbo
Eanet dieđut doarjaga birra gávdnojit Viessobáŋkku gihppagis: Infobrosjyre om tilskuddet.pdf (PDF, 2 MB)
Maiddái Viessobáŋkku neahttasiidduin gávdnojit eanet dieđut ortnega birra.