Dearvvasvuođa- ja fuolahusbálvalusaid ohcan (DOCX, 54 kB)

Søknadssskjema ledsagerbevis (DOCX, 30 kB)

Mieđuštankoarta addá vejolašvuođa váldit mielde mieđušteaddji nuvttá kultur- ja astoáigedoaluide ja sáhttobiillaide gos dát ortnet dohkkehuvvo. Du ruovttugielda mearrida ja hálddaša ortnega, muhto mieđuštankoarta gusto miehtá riikka. 

Bálvalusa ulbmil 

Mieđuštankoarta addá du mieđušteaddjái nuvttá dahje hálbbiduvvon bileahta kultur- ja astoáigedoaluide ja muhtun sáhttobiillaide. Mieđuštankoarta čálihuvvo juridihkalaččat dutnje. 

Geat sáhttet oažžut mieđuštankoartta?

• Mieđuštankoarta lea olbmuid várás geain lea dávda dahje hedjonan doaibmadáidu, ja geat dárbbašit veahki searvat doaluide. 
• Dát ii leat láhkageatnegas bálvalus. 
• Mielčuovvukoarttas galgá leat pássagovva. 
• Ohcamuša oktavuođas ii dahkkojuvvo ekonomalaš dárboárvvoštallan. Ortnet ii váldde vuhtii dan ahte oaččut go don oadjoaddosiid.  
• Mielčuovvukoartaortnet fátmmasta olbmuid geain lea doaibmahehttejupmi mii lea bistán unnimus 2–3 jagi. 
• Vuolimus ahkerádjá ohcat lea dábálaččat 8 jagi. 
• Geavaheaddji ferte álbmotregistarii registrerejuvvon orrumin dan gielddas go ohcá mielčuovvukoartta. 
• Doaibmahehttejuvvon olbmuid stáhtalaš ráđi njuolggadusaid vuođul galgá mieđušteaddji dábálaččat leat badjel 16 jagi boaris. 

Bálvalusa haddi  

Mielčuovvukoarta lea nuvttá

Søknadsskjema finnes på Finnmark fylkeskommunes hjemmeside: https://www.ffk.no/tjenester/samferdsel/tt-kort-tilrettelagt-transport/ 

Sáhttofálaldat lea dáluid mielde vuodjin, vai dus lea vejolašvuohta searvat aktivitehtaide lagašbirrasis. 

Bálvalusa ulbmil 

Geavahanvuoigatvuođa sáhttá addit olbmuide geat álbmotregistara mielde orrot Kárášjoga, ja geat psyhkalaš dahje fysalaš doaibmahehttejumi geažil eai sáhte – dahje rahčet – geavahit kollektiivvalaš johtolatfálaldaga.  

Geat sáhttet oažžut TT-koartta 

Buohkat geat dárbbašit TT-ortnega vai besset searvat aktivitehtaide lagašbirrasis.

Gielddas galgá leat dohkkehanlávdegoddi mii dohkkeha geavaheaddji logu mii gildii lea juolluduvvon. Kárášjoga gieldda dohkkehanlávdegottis leat golbma olbmo, guoktásis lea medisiinnalaš fágalaš gealbu, ja ráđđi olbmuid várás geain lea hedjonan doaibmadássi, lea ovddastuvvon. Dohkkehanlávdegoddi čoahkkinastá njelljii jagis, ja muđui dárbbu mielde.   

Bálvalussii gullet maiddái  

Gielda dieđiha ođđa dohkkehuvvon geavaheddjiid Rogaland Taxii jotkkolaččat birra jagi. Dát guoská maiddái rievdadusaide mat dálá geavaheddjiin leat. Dohkkehuvvon geavaheaddji sáhttá váldit mielde ovtta mieđušteaddji lassigolu haga. 

Bálvalussii ii gula  

Ásahusássit geain lea birrajándorfuolahus ja/dahje -dikšu, mas gielda ollásit dahje belohahkii gokčá orruma goluid ja ássi máksá buhtadusa, eai sáhte dohkkehuvvot ortnega geavaheaddjin. 

Bálvalusa haddi  

Geavaheaddji máksá iežasoasi mii vástida hálbbiduvvon bileahta kollektiivajohtolagas Finnmárkkus. Dušše geavaheaddji máksá iežasoasi, ii ge vejolaš mieđušteaddji.  

Informasjon om tilrettelagt transport hos fylkeskommunen

Søknadsskjema parkeringstillatelse.sámeg (DOCX, 82 kB)

Kárášjoga gielda addá ohcamuša vuođul lámis olbmuid parkerenkoartta dáidda:  

• Vuoddjái geas lea erenoamáš dárbu álkit beassat parkeret orrunsaji, barggu ja/dahje eará aktivitehta oktavuođas danne go son ii sáhte vázzit dahje rahčá vázzit guhkit gaskkaid. 
• Mielčuvvui gii jámma dárbbaša veahki vuoddjis biilla olggobealde, ja geas lea erenoamáš dárbu álkit beassat parkeret orrunsaji, barggu ja/dahje eará aktivitehta oktavuođas danne go son ii sáhte vázzit dahje rahčá vázzit guhkit gaskkaid. 

Bálvalusa ulbmil 

Ulbmil lea addit lámis olbmuide geain lea duohta dárbu álkit parkeret, olámuttolaš parkerenfálaldaga. 

Geat sáhttet oažžut parkerenkoartta?

• Lámis olbmot 
• Gielda addá lobi ráddjejuvvon áigái, eanemusat 5 jagi, muhto ii unnit go guovtti jahkái. 
• Lámis olbmo namma ja govva galgá leat koartta duogábealde. 

Bálvalusa haddi

Parkerenkoarta lea nuvttá.