Rabasáiggit

·         Árgabeivviid gaskal tii. 08.00 - 15.30

·         "Rabas uksa" (dárbbašmeahttun tiimma tiŋgot) vuođđoskuvlla oahppiide: juohke maŋŋebárgga gaskal tii. 09.00-11.30. Báiki: Mánáidskuvlla gaskkamuš visttis, latnja 242

·         "Rabas uksa" (dárbbašmeahttun tiimma tiŋgot) Sámi joatkkaskuvlla oahppiide: juohke gaskavahku gaskal tii. 09.00-11.30 

"Rabas uksa" fálaldat čuovvu skuvllaruvtto.

Jus dearvvasvuođadivššár ii vástit telefovnna de leat mii doaimmaid siste, ja mii riŋget ruovttoluotta go lea fas dilli. 

Galledančujuhus Dearvvasvuođastašuvdna:

Fitnodatgeaidnu 39 – Guovddášvistti 2. gearddis

Poastačujuhus:

Dearvvasvuođastašuvnna- ja skuvladearvvasvuođabálvalus; poastaboksa 84, 9730 Kárášjohka.

Čuvgehus dearvvasvuođa- ja skuvladearvvasvuođabálvalusas

Bálvalus bargá eastadeaddjin ja dearvvasvuođaovddideaddjin golmmajuogu doaibmasuorggis:

·         Dearvvasvuođastašuvdna 0-5 jagi

·         Skuvladearvvasvuođabálvalus 5-20 jagi

·         Dearvvasvuođastašuvdna Nuoraide (DN)

Dát lea vuosttašceahkkefálaldat ja bálvalus lea nuvttá.

Lassin leat mis álbmotdearvvasvuođa ja dearvvasvuođasuddjen/ njoammusuddjenbarggut.

Bálvalusa ulbmil

Bálvalusa ulbmil lea ovddidit psyhkalaš ja rumašlaš dearvvasvuođa, ovddidit buriid sosiála ja biraslaš diliid, eastadit buozalmasvuođa ja vigiid, jevdet sosiála dearvvasvuođaerohusaid ja eastadit, fuomášit ja hehttet veahkaválddálašvuođa, vuoigatvuođaid rihkkumiid ja fuolahusváilli.  (Gáldu: gieldda dearvvasvuođastašuvnnaid- ja skuvladearvvasvuođabálvalusa dearvvasvuođaovddidan- ja eastadanláhkaásahus).

Dearvvasvuođadoaibma lea vuoigatvuođavuođđuduvvon Divššohas- ja geavaheaddjivuoigatvuođalága paragráfa 6-1. Mánáid dearvvasvuođadárkkisteamis čuožžu: "Mánáin lea vuoigatvuohta dárbbašlaš dearvvasvuođaveahkkái, maiddái dearvvasvuođadárkkisteami hámis dan gielddas gos mánná ássá dahje orusta gaskaboddasaččat, vrd. Dearvvasvuođa ja fuolahusbálvaluslága §3-2. Váhnemat leat geatnegasa váikkuhit mánáid dearvvasvuođadárkkisteapmái."

Mii bargat Riikkadási fágalaš dearvvasvuođastašuvnnaid- ja skuvlabálvalusaid njuolggadusaid olis: 

Dearvvasvuođastašuvdna 0 - 5 jagi

·         Njuorat- ja smávvamánáidiskkademiin

·         Váhnenbagadeapmi, ráđđeaddin ja dearvvasvuođačuvgehus – ovttaskasat ja joavkkuin

·         Boahkuheapmi

·         Sosiálalaš fierpmádatbargu

·         Fágaidgaskasaš ovttasbargu, ovttaskas plánat ja ovddasvástideaddjijoavkkut

Ulbmiljoavku: áiddo riegádan mánát, seaŋganissonat oktan guimmiineaset, 0-5 jahkásaš mánát.

Buot gaskkal 0-5 jagi mánáide fállojuvvo 14 ráđđádallama, ja liige ráđđádallamii dárbbu mielde. Mii sáddet gohččuma SMS (helserespons) bokte. Jus vuordináigi šattaš menddo guhki, dahje ehpet gula mis, de áinnas váldet oktavuođa telefovnna bokte. 
 

Skuvladearvvasvuođabálvalus 5 - 20 jahkásaččaide

·         Dearvvasvuođačuvgen, oahppa, ráđđeaddin ja bagadus – ovttaskasat ja joavkkuin

·         Boahkuheapmi

·         Ovttasbargu váhnemiiguin, skuvllain ja eará áššáiguoski ásahusain

·         Doaibmabijut birrasa olis - oahppi birrasa guovdilastit

·         "Rabas uksa" - buot oahppiid várás

·         Fágaidgaskasaš ovttasbargu, ovttaskas plánat ja ovddasvástideaddjijoavkkut

Ulbmiljoavku: Skuvladearvvasvuođabálvalus lea fálaldat dutnje gii leat vuollel 20 jahkásaš skuvlaoahppi. Don oaččut ráđiid ja bagadeami ja oaččot maiddái iskkahit dearvvasvuođa ja boahkuheami. Dárbbu mielde lágiduvvot maid viidásat fástadoaktára dahje spesialistadearvvasvuođabálvalussii.  Skuvladearvvasvuođabálvalus rávvešii rumašlaš-, miella- ja seksuáladearvvasvuođa hárrái, ja bargá skuvllaohppiid hálddašeami nannemiin juohkebeaivválaš dilis. Skuvlaoahppin sáhtát goas beare iežat dárbbu mielde geavahit skuvladearvvasvuođabálvalusa háleštit váttes áššiid birra ollesolbmuin.  

Dearvvasvuođastašuvdna nuoraide (DN) 

Mis ii leat vuos dát fálaldat, muhto mii leat bargamin beassat álggahit dan.