Bálvalusa ulbmil
Ergoterapevttat veahkehit gávdnat čovdosiid go dearvvašvuohta ii deavdde árgabeaivvi gáibádusaid.
Ergoterapevta:
- Bagadallá stobu ja stohporievdadusaid hárrái
- Veahkeha olbmuid geain lea heajos oaidnu ja/dahje gullu
- Ovddida lihkadeami funkšuvdnahárjehallamiin ja láhčá birrasa (searvamii ja gullevašvuhtii)
- Gaskkusta ja heiveha teknihkalaš veahkkeneavvuid ja čálgoteknologiija
- Láhčá fysalaš birrasiid ruovttus, mánáidgárddis, skuvllas ja bargosajis
- Rehabiliteren/habiliteren sihke ásahusas ja ruovttus
- Veahkeha ohcamušaid čállit NAV hjelpemiddelsentralenii
Geat sáhttet oažžut ergoterapiija?
- Buohkat geat hedjonan doaibmanávccaid geažil leat hástalusat árgabeaivválaš aktivitehtaiguin, beroškeahttá leat go ruovttus, buhcciidsiiddas/fuollavisttis, skuvllas dahje mánáidgárddis.
- Buotahkásaš olbmot
- Olbmot geat fertejit viidábut heivehit birrasiid go dan maid sáhttá ordnet oanehisáiggeloana dahje diŋgonortnega bokte
Bálvalussii gullá maiddái
Gieldda oanehisáiggevuorká gos leat veahkkeneavvut, ja ovttasbargu bálvalusteknihkkáriin geas lea ovddasvástádus monteret, divvut ja bajásdoallat veahkkeneavvuid maid NAV hjelpemiddelsentralen lágida, ja doalvut ja viežžat fas daid go dárbu nohká.
Bálvalusaide ii gula
Veahkki olbmuide geat dušše dárbbašit heivehit bargosaji, dákkár oktavuođain sáhttá fitnodatdearvvašvuođabálvalusa geavahit.
Maid don sáhtát vuordit mis
- Mis lea jávohisvuođageasku ja leat olmmošlaččat
- Kártema vuođul ergoterapevta árvala doaibmabijuid du mihtuid ja dárbbuid vuođul.
Maid mii vuordit dus
- Aktiivvalaš searvama ja ovddasvástádusa ovddidan dihtii dearvvašvuođa ja hálddašeami
- Don leat mielde hábmemin mihtuid ja doaibmabijuid
Kárášjoga gieldda bargit čuvvot Bargobiraslága bálvalusdoaimmaheamis. Dan oktavuođas mii bivdit ahte stobuin gos borgguhuvvo, biggohuvvo bures ovdal go bargit bohtet, ii ge galgga borgguhit siste go ergoterapevta doaimmaha iežas barggu. Veahkki ii galgga vásihit dárbbašmeahttun riskka go boahtá šilljui, omd. berre beatnagiid čatnat.
Bálvalusa haddi
Bálvalus lea nuvttá